Тармақ 1. Қазақстан Республикасы Үкіметінің қызметін қамтамасыз ететін мемлекеттік органды қоспағанда, мемлекеттік органдардың, жергілікті өзін-өзі басқару органдарының басшылары және олардың орынбасарлары жеке тұлғаларды және заңды тұлғалардың өкілдерін осы органның, лауазымды адамның құзыретіне кіретін мәселелер бойынша жеке қабылдауды жүргізуге міндетті.
Тармақ 2. Жеке қабылдауды қамтамасыз ету мақсатында осы баптың бірінші бөлігінде көрсетілген органдардың қызметкерлері жолданымның мәнін нақтылау үшін осы Кодексте белгіленген тәртіппен қосымша ақпарат сұратуға құқылы.
Бұл ретте осы әкімшілік әрекет жеке тұлғаларды және заңды тұлғалардың өкілдерін жеке қабылдауды жүргізуді жоққа шығармайды.
Тармақ 3. Жеке тұлғаларды және заңды тұлғалардың өкілдерін қабылдау тиісті мемлекеттік органның, жергілікті өзін-өзі басқару органының басшысы бекітетін қабылдау кестесіне сәйкес айына бір реттен сиретпей, Қазақстан Республикасының Үкіметі айқындайтын тәртіппен жүзеге асырылады.
Тармақ 4. Егер жолданымды лауазымды адам қабылдау кезінде шеше алмаса, ол жазбаша нысанда баяндалады және онымен жазбаша жолданым ретінде жұмыс жүргізіледі.