Бап 95 ҚР Әкімшілік рәсімдік-процестік кодексінің. Шағымды қараусыз қалдыру

Тармақ 1. Шағымды қарайтын орган, егер:

• 1) шағымды қарайтын органның әкімшілік рәсімге қатысушыға қатысты шағымды қарау нәтижелері бойынша шағымда көрсетілген сол нысана туралы және сол негіздер бойынша шешімі бар болса;
• 2) сол адамға қатысты, сол нысана туралы және сол негіздер бойынша шығарылған, заңды күшіне енген сот актісі бар болса;
• 3) шағымды қарайтын орган шағымды қайтарса;
• 4) шағымды қарайтын орган арыз иесінен шағымды кері қайтарып алуды қабылдаған болса;
• 5) шағым жасалатын әкімшілік актіге, шағым жасалатын әкімшілік әрекетке (әрекетсіздікке) соттың қарауында жатқан әкімшілік талап қою берілгені анықталса, шағымды қараусыз қалдырады.

Тармақ 2. Әкімшілік рәсімге қатысушы шағымды қарайтын орган шағымды қараусыз қалдыру туралы шешім қабылдаған күннен бастап үш жұмыс күні ішінде хабарландырылады.

Тармақ 3. Шағымды қараусыз қалдыру үшін негіз болған мән-жайлар жойылғаннан кейін әкімшілік рәсімге қатысушы қайтадан шағым беруге құқылы.