Тармақ 1. Түгендеу жүргiзу және (немесе) кредиторлар комитетіне түгендеу жөнiндегi есепті ұсыну мiндетiн орындамау не тиiсiнше орындамау –
отыз айлық есептiк көрсеткiш мөлшерiнде айыппұл салуға әкеп соғады.
Тармақ 2. Банкроттың мүлкiн күзетудi және бақылауды қамтамасыз ету мiндетiн орындамау не тиiсiнше орындамау –
отыз айлық есептiк көрсеткiш мөлшерiнде айыппұл салуға әкеп соғады.
Тармақ 3. Қазақстан Республикасының оңалту және банкроттық туралы заңнамасында белгiленген жағдайларды қоспағанда, банкрот алдында берешегi бар тұлғалардан берешектi сот тәртібімен өндiрiп алу туралы талаптар қою мiндетiн орындамау не тиiсiнше орындамау –
он бес айлық есептiк көрсеткiш мөлшерiнде айыппұл салуға әкеп соғады.
Тармақ 4. Оңалту және банкроттық саласындағы уәкiлеттi органға банкроттық рәсiмiнiң жүзеге асырылу барысы туралы ағымдағы ақпаратты беру мiндетiн орындамау не тиiсiнше орындамау –
ескерту жасауға әкеп соғады.
Тармақ 5. Банкроттық рәсiмiнде кредиторлар жиналысы мен комитеті отырыстарының өтетін күнi, уақыты мен орны туралы кредиторды хабардар етпеу не тиiсiнше хабардар етпеу –
бес айлық есептiк көрсеткiш мөлшерiнде айыппұл салуға әкеп соғады.
Тармақ 7. Банкроттың мүлкін сату жоспарын жасау немесе оны өткізуді жүзеге асыру жөніндегі міндетін орындамау немесе тиісінше орындамау –
он бес айлық есептiк көрсеткiш мөлшерiнде айыппұл салуға әкеп соғады.
Тармақ 8. Борышкердің пайдасына ақша түскеннен кейiн кредиторлармен есеп айырысуды жүзеге асыру жөніндегі мiндетін орындамау не тиiсiнше орындамау, сол сияқты кредиторлармен есеп айырысуды кредиторлардың талаптарын қанағаттандырудың белгiленген тәртiбiн бұза отырып жүргiзу –
он бес айлық есептік көрсеткіш мөлшерінде айыппұл салуға алып келеді.
Тармақ 9. Әдейі банкроттық белгілерінің болуын көрсететін, қолда бар деректер туралы құқық қорғау органдарына хабарламау –
елу айлық есептiк көрсеткiш мөлшерiнде айыппұл салуға алып келеді.
Тармақ 10. Борышкердiң немесе ол уәкiлеттiк берген тұлғаның Қазақстан Республикасының азаматтық заңнамасында және "Оңалту және банкроттық туралы" Қазақстан Республикасының Заңында көзделген талаптарды бұза отырып жасаған мәмiлелерiн анықтау мiндеттерiн орындамау не тиiсiнше орындамау және оларды жарамсыз деп тану не мүлiктi сот тәртiбiмен банкроттың мүлiктiк массасына қайтару туралы талаптар қоймау –
отыз айлық есептiк көрсеткiш мөлшерiнде айыппұл салуға әкеп соғады.
Тармақ 11. Кредиторлар комитетінің шешімінсіз әкімшілік шығыстарды төлеу –
он бес айлық есептiк көрсеткiш мөлшерiнде айыппұл салуға әкеп соғады.
Тармақ 12. Құрылтай құжаттарын, есепке алу құжаттамасын, банкроттың мүлкіне құқық белгілейтін құжаттарды, мөрлерді (олар болған кезде), мөртабандарды, банкротқа тиесілі материалдық және өзге де құндылықтарды банкроттықты басқарушы шеттетілген (босатылған) кезде – жаңадан тағайындалған банкроттықты басқарушыға, борышкерді банкрот деп тану туралы сот шешімінің күші жойылған кезде – борышкерге немесе оңалтуды басқарушыға, банкрот кәсіпорынды сату кезінде сатып алушыға беру міндетін орындамау не тиісінше орындамау –
он бес айлық есептiк көрсеткiш мөлшерiнде айыппұл салуға әкеп соғады.
Тармақ 13. Сотқа қорытынды есептi ұсынбау, уақтылы ұсынбау не Қазақстан Республикасының оңалту және банкроттық туралы заңнамасының талаптарына сәйкес келмейтiн қорытынды есептi ұсыну –
он бес айлық есептiк көрсеткiш мөлшерiнде айыппұл салуға әкеп соғады.
Тармақ 14. Сұратылатын ақпаратты оңалту және банкроттық саласындағы уәкiлеттi органға беру мiндетiн орындамау не тиiсiнше орындамау –
ескерту жасауға алып келеді.
Тармақ 15. Кредитордың жазбаша сұрау салуы негiзiнде банкроттық рәсiмдердiң жүзеге асырылу барысы, борышкердің қаржылық жағдайы туралы оған хабарламау не уақтылы хабарламау –
ескерту жасауға алып келеді.
Тармақ 16. Кредиторлар комитетiнiң шешiмi негiзiнде кредиторға талаптарды есепке жатқызу туралы уақтылы мәлiмдемеу –
бес айлық есептiк көрсеткiш мөлшерiнде айыппұл салуға әкеп соғады.
Тармақ 17. Мемлекеттiк органдардан, жеке және заңды тұлғалардан банкрот туралы, оған тиесiлi (тиесiлi болған) мүлiк туралы ақпаратты және растайтын құжаттардың көшiрмелерiн талап етіп алдыру мiндетiн орындамау не тиiсiнше орындамау –
ескерту жасауға әкеп соғады.
Тармақ 18. "Оңалту және банкроттық туралы" Қазақстан Республикасының Заңында белгіленген жағдайларда адамдарды субсидиарлық жауаптылыққа тарту және сомаларды өндіріп алу туралы талап қоюмен сотқа жүгінбеу –
отыз айлық есептік көрсеткіш мөлшерінде айыппұл салуға алып келеді.
Тармақ 19. Егер банкроттықты басқарушымен жасалған банкроттық рәсімін жүргізу туралы шартта өзгеше белгіленбесе, банкрот пен оның кредиторларының мүдделерiн қозғайтын сот актiсiнiң көшiрмесiн оның шағымдану мәселесiн қарау үшiн кредиторлар комитетiне ұсыну мiндетiн орындамау не тиiсiнше орындамау –
бес айлық есептiк көрсеткiш мөлшерiнде айыппұл салуға әкеп соғады.
Тармақ 20. Уақытша басқарушыдан немесе оңалтуды басқарушыдан құрылтай құжаттарын, есепке алу құжаттамасын, банкроттың мүлкіне құқық белгілейтін құжаттарды, мөрлерді (олар болған кезде), мөртабандарды, банкротқа тиесілі материалдық және өзге де құндылықтарды қабылдау міндетін орындамау не тиісінше орындамау –
он бес айлық есептік көрсеткіш мөлшерінде айыппұл салуға алып келеді.
Тармақ 21. Банкке, банк операцияларының жекелеген түрлерін жүзеге асыратын ұйымға банкроттың банктік шоттарын жабу туралы өтінішті уақтылы жібермеу, банкроттың мөрін (болған кезде) жою –
он бес айлық есептiк көрсеткiш мөлшерiнде айыппұл салуға әкеп соғады.
Тармақ 22. Осы баптың төртінші, бесінші, он төртінші – он жетінші және он тоғызыншы бөліктерінде көзделген, әкімшілік жаза қолданылғаннан кейін бір жыл ішінде қайталап жасалған әрекеттер (әрекетсіздік) –
он бес айлық есептік көрсеткіш мөлшерінде айыппұл салуға алып келеді.
Тармақ 23. Осы баптың үшінші, жетінші, сегізінші, он бірінші, он екінші, он үшінші, жиырмасыншы және жиырма бірінші бөліктерінде көзделген, әкімшілік жаза қолданылғаннан кейін бір жыл ішінде қайталап жасалған әрекеттер (әрекетсіздік) –
отыз айлық есептік көрсеткіш мөлшерінде айыппұл салуға алып келеді.
Тармақ 24. Осы баптың бірінші, екінші, оныншы және он сегізінші бөліктерінде көзделген, әкімшілік жаза қолданылғаннан кейін бір жыл ішінде қайталап жасалған әрекеттер (әрекетсіздік) –
алпыс айлық есептік көрсеткіш мөлшерінде айыппұл салуға алып келеді.
Тармақ 25. Осы баптың тоғызыншы бөлігінде көзделген, әкімшілік жаза қолданылғаннан кейін бір жыл ішінде қайталап жасалған іс-әрекет –
бір жүз айлық есептік көрсеткіш мөлшерінде айыппұл салуға алып келеді.