Бақылау-кассалық машинаның бақылау чегінде мынадай деректемелердің біреуін немесе бірнешеуін:
- 1) салық төлеушінің атауын;
- 2) сәйкестендіру нөмірін;
- 3) бақылау-кассалық машинаның зауыттық нөмірін;
- 4) бақылау-кассалық машинаның мемлекеттік кіріс органындағы тіркелу нөмірін;
- 5) чектің реттік нөмірін;
- 6) тауарларды сатып алу, жұмыстарды орындау, қызметтерді көрсету күні мен уақытын;
- 6-1) сәйкестендіру құралдарын;
- 7) тауардың, жұмыстың, көрсетілетін қызметтің бағасын және (немесе) сатып алу сомасын;
- 8) фискальдық белгіні көрсетпеу не аппараттық-бағдарламалық кешендердің бақылау чегінде (банктер және банк операцияларының жекелеген түрлерін жүзеге асыратын ұйымдар қолданатын аппараттық-бағдарламалық кешендерді қоспағанда) осы бөліктің 1) – 7) тармақшаларында белгіленген бір немесе бірнеше деректемелерді көрсетпеу –
ескерту жасауға әкеп соғады.