Тармақ 1. Осы баптың 1-2-бөлігінде көзделген жағдайларды қоспағанда, жолаушыларды және жүктердi тасымалдау қағидаларын сақтамау –
бес айлық есептiк көрсеткiш мөлшерiнде айыппұл салуға әкеп соғады.
Тармақ 1-1. Он алты жасқа толмаған, ата-анасы және (немесе) өзінің заңды өкілі ертіп жүрмеген адамды қоғамдық көліктен мәжбүрлеп түсіріп кету –
бес айлық есептік көрсеткіш мөлшерінде айыппұл салуға алып келеді.
Тармақ 1-2. Жолаушыларды көлік құралының кабинасынан (салонынан) тыс тасымалдау, сол сияқты олардың көлік құралы жүріп келе жатқанда оның терезелері мен люктерінен денесін шығаруына, есікті ашуына жол беру –
он айлық есептік көрсеткіш мөлшерінде айыппұл салуға алып келеді.
Тармақ 2. Қауiпсiздiк белдіктерiн немесе мотошлемдердi пайдалану қағидаларын сақтамау –
бес айлық есептiк көрсеткiш мөлшерiнде айыппұл салуға әкеп соғады.
Тармақ 3. Осы баптың бiрiншi және екінші бөлiктерiнде көзделген, әкiмшiлiк жаза қолданылғаннан кейiн бiр жыл iшiнде қайталап жасалған әрекеттер –
он айлық есептiк көрсеткiш мөлшерiнде айыппұл салуға әкеп соғады.