Бап 708 ҚР Әкімшілік құқық бұзушылық туралы кодексінің

Тармақ 1. Су қорын қорғау және пайдалану саласындағы уәкiлеттi органдар осы Кодекстiң 138 (екінші бөлігінде), 141 , 164, 299 (бірінші және екінші бөліктерінде (өнеркәсіптік қауіпсіздікті қоспағанда), 358 , 359 , 359-1, 360 (екінші және үшінші бөліктерінде), 361 , 362 , 363 , 365-баптарында көзделген әкiмшiлiк құқық бұзушылық туралы iстердi қарайды.

Тармақ 2. Әкiмшiлiк құқық бұзушылық туралы iстердi қарауға және әкiмшiлiк жазалар қолдануға:

• 1) су қорын қорғау және пайдалану саласындағы Қазақстан Республикасының Бас мемлекеттік инспекторы мен оның орынбасары, су шаруашылығы бассейндерінің бас мемлекеттік инспекторлары мен олардың орынбасарлары – жеке тұлғаларға – айлық есептiк көрсеткiштiң екі жүзге дейiнгi, лауазымды адамдарға, шағын немесе орта кәсiпкерлiк субъектiлерiне немесе коммерциялық емес ұйымдарға – жеті жүз елуге дейiнгi, iрi кәсiпкерлiк субъектiлерiне екі мыңға дейiнгi мөлшерiнде айыппұл салуға;
• 2) су қорын қорғау және пайдалану саласындағы Қазақстан Республикасының аға мемлекеттік инспекторлары, су шаруашылығы бассейндерінің аға мемлекеттік инспекторлары – жеке тұлғаларға айлық есептiк көрсеткiштiң бір жүз жетпіске дейiнгi, лауазымды адамдарға, шағын немесе орта кәсiпкерлiк субъектiлерiне немесе коммерциялық емес ұйымдарға – жеті жүзге дейiнгi, iрi кәсiпкерлiк субъектiлерiне бір мың сегіз жүзге дейiнгi мөлшерiнде айыппұл салуға;
• 3) су қорын қорғау және пайдалану саласындағы Қазақстан Республикасының мемлекеттік инспекторлары, су шаруашылығы бассейндерінің мемлекеттік инспекторлары – жеке тұлғаларға айлық есептiк көрсеткiштiң бір жүз елуге дейiнгi, лауазымды адамдарға, шағын немесе орта кәсiпкерлiк субъектiлерiне немесе коммерциялық емес ұйымдарға – алты жүзге дейiнгi, iрi кәсiпкерлiк субъектiлерiне бір мың бес жүзге дейiнгi мөлшерiнде айыппұл салуға;
• 4) осы Кодекстің 164-бабында көзделген әкімшілік құқық бұзушылықтар үшін су қорын қорғау және пайдалану саласындағы уәкілетті органның құрылымдық бөлімшелерінің басшылары мен олардың орынбасарлары не осыған уәкілеттік берілген лауазымды адамдары құқылы.