Әлеуметтік аударымдарды төлеушінің:
- 1) өздерінің пайдасына әлеуметтік аударымдар бойынша берешек өндіріп алынатын мiндеттi әлеуметтiк сақтандыру жүйесiне қатысушылардың тiзiмдерiн мемлекеттік кіріс органына ұсынбау;
- 2) әлеуметтiк аударымдарды төлемеу (аудармау), уақтылы және (немесе) толық төлемеу (аудармау);
- 3) Қазақстан Республикасының міндетті әлеуметтік сақтандыру саласындағы заңнамасында көзделген жағдайларда мемлекеттік кіріс органдарының өкiмiмен касса бойынша барлық шығыс операцияларын тоқтатпауы түрiнде жасалған Қазақстан Республикасының міндетті әлеуметтік сақтандыру саласындағы заңнамасында көзделген мiндеттердi орындамауы не тиiсiнше орындамауы –
ескерту жасауға әкеп соғады.