Бап 200 ҚР Бюджет кодексінің

Тармақ 1. Мемлекеттік қарыздар қарыз алушыға қатысты алғанда:

• 1) Қазақстан Республикасы Үкіметінің қарыздары;
• 2) Қазақстан Республикасы Ұлттық Банкінің қарыздары;
• 3) жергілікті атқарушы органдардың және аудандық маңызы бар қалалар, ауылдар, кенттер, ауылдық округтер әкімдері аппараттарының қарыздары болып бөлінеді.

Тармақ 2. Несие капиталының нарықтарына қарай мемлекеттік қарыздар:

• 1) мемлекеттік сыртқы қарыздар;
• 2) мемлекеттік ішкі қарыздар болып бөлінеді.

Тармақ 3. Қарыз алу нысаны бойынша мемлекеттік қарыздар:

• 1) мемлекеттік эмиссиялық бағалы қағаздар шығару;
• 2) қарыз шарттарын жасасу болып бөлінеді.

Тармақ 4. Мемлекеттік эмиссиялық бағалы қағаздар қолданылу мерзімі бойынша:

• 1) 1 жылға дейінгі айналыс мерзімімен қысқа мерзімді;
• 2) 1 жылдан 5 жылға дейінгі айналыс мерзімімен орта мерзімді;
• 3) 5 жылдан артық айналыс мерзімімен ұзақ мерзімді болып бөлінеді.

Тармақ 5. Мемлекеттік эмиссиялық бағалы қағаздар шығару мақсаттары бойынша:

Мемлекеттік эмиссиялық бағалы қағаздар құжаттамалық және құжаттамалық емес нысанда шығарылуы мүмкін. Мемлекеттік эмиссиялық бағалы қағаздар ұсынушыға арналып құжаттамалық нысанда ғана шығарылуы мүмкін. Мемлекеттік эмиссиялық бағалы қағаздар нақты және дисконттық құны бойынша сыйақының тіркелген және тіркелмеген (құбылмалы) мөлшерлемесімен шығарылуы мүмкін.

• 1) бюджет тапшылығын қаржыландыру мақсатында шығарылатын;
• 2) борыштық құралдардың ішкі нарығын дамытуға жәрдемдесу мақсатында шығарылатын болып бөлінеді.