Арыз жазбаша нысанда не электрондық құжат нысанында беріледі. Арызда:
- 1) арыз берілген соттың атауы;
- 2) талап қоюшының атауы, оның туған күні, тұрғылықты жері немесе орналасқан жері, жеке сәйкестендіру нөмірі, заңды тұлғаның деректемелері, бизнес-сәйкестендіру нөмірі;
- 3) жауапкердің атауы, оның туған күні, тұрғылықты жері немесе орналасқан жері, жеке сәйкестендіру нөмірі (егер ол арыз берушіге белгілі болса), заңды тұлғаның деректемелері, бизнес-сәйкестендіру нөмірі;
- 4) талап қоюшының талабы және ол негізделген мән-жайлар;
- 5) мәлімделген талапты растайтын қоса берілген құжаттардың тізбесі көрсетілуге тиіс.