Бап 138 ҚР Азаматтық іс жүргізу кодексінің

Тармақ 1. Судья осы Кодекстің 151 , 152-баптарында көзделген негіздер бойынша сот бұйрығын шығару туралы арызды қабылдаудан бас тартады немесе кері қайтарады.

Бұдан басқа, егер:

• 1) мәлімделген талап осы Кодекстің 135-бабында көзделмеген;
• 2) жауапкердің тұрғылықты жері немесе орналасқан жері Қазақстан Республикасының шегінен тыс болған;
• 3) мәлімделген талапты растайтын құжаттар ұсынылмаған;
• 4) талап қою ісін жүргізу тәртібімен қарауға жататын құқық туралы даудың бары байқалған;
• 5) арыздың нысаны мен мазмұны осы Кодекстің 136-бабының талаптарына сай келмеген;
• 6) арыз бергенде мемлекеттік баж төленбеген жағдайларда судья арызды кері қайтарады.

Тармақ 2. Судья арызды қабылдаудан бас тарту немесе кері қайтару туралы арыз сотқа келіп түскен күннен бастап үш жұмыс күні ішінде ұйғарым шығарады.

Тармақ 3. Арызды кері қайтару сот бұйрығын беру туралы сотқа қайтадан арыз беруге не сол нысана мен сол негіздер бойынша сол жауапкерге, егер ол жол берілген бұзушылықты жойса, талап қоюға кедергі болмайды.

Тармақ 4. Судьяның арызды қабылдаудан бас тарту туралы немесе кері қайтару туралы ұйғарымына апелляциялық сатыдағы сотқа шағым берілуі мүмкін, оның шешімі түпкілікті болып табылады.