Егер:
- 1) істі соттың заңсыз құрамы немесе соттылық туралы қағидаларды бұзып қараған;
- 2) осы Кодекстің 133-бабының қағидалары бойынша қаралған істерді қоспағанда, сот істі сот отырысының уақыты мен орны туралы тиісті түрде хабарландырылмаған іске қатысатын адамдардың қайсыбіреуі болмағанда қараған;
- 3) істі қарау кезінде сот ісін жүргізу тілі туралы қағида бұзылған;
- 4) сот іске қатысуға тартылмаған адамдардың құқықтары мен міндеттері туралы мәселені шешкен;
- 5) судья шешімге қол қоймаған немесе істі қарап, шешкен судьядан басқа судья қол қойған;
- 6) жүргізілу міндеттілігі осы Кодексте көзделген кезде істе сот отырысы хаттамасы болмаған кез келген жағдайда бірінші сатыдағы сот шешімінің күші жойылуға жатады.