Бап 552 ҚР Азаматтық кодексінің (Ерекше бөлім)

Тармақ 1. Жалға берушi жалға берiлген мүлiкке тараптармен келiсiлген мерзiмдерде, егер заң актiлерiнде немесе шартта өзгеше көзделмесе, өз есебінен күрделi жөндеу жүргiзуге мiндеттi.

Тармақ 2. Жалға алушы жауап бермейтiн мән-жайларға байланысты пайда болып, шұғыл қажеттiлiк туғызған жөндеудi, егер заң актiлерiнде немесе шартта өзгеше көзделмесе, жалға берушi қисынды мерзiмдерде өз есебiнен жүргiзедi.

Тармақ 3. Жалға берушiнiң күрделi жөндеу жөнiндегi мiндеттерiн атқармауы жалға алушыға өз қалауы бойынша:

• 1) жөндеудi өз бетiнше жүргiзуiне және жөндеу құнын жалға берушiден өндiрiп алуына;
• 2) жөндеу құнын шарт бойынша төлемнiң есебiне есептеуiне;
• 3) шарт бойынша төлемдi тиiсiнше азайтуды талап етуiне;
• 4) шарттан бас тартуына құқық бередi.