Бап 126 ҚР Қылмыстық-атқару кодексінің

Тармақ 1. Сотталғандардың түзелуіне жәрдемдесу мақсатында мекемелерде ерікті негізде мекеме әкімшілігінің бақылауымен жұмыс істейтін сотталғандардың ұйымдары құрылады.

Өзін жақсы жағынан көрсеткен сотталғандардың арасынан мекемелер ұжымдары мен отрядтарының кеңестері құрылады.

Тармақ 2. Мыналар сотталғандардың ерікті ұйымдарының негізгі міндеттері болып табылады:

• 1) мекемеде оң моральдық-психологиялық ахуал қалыптастыру;
• 2) сотталғандардың жағымды әлеуметтік байланыстарын дамыту;
• 3) сотталғандардың қоғамдық-пайдалы бастамасын қолдау;
• 4) сотталғандарға рухани, кәсіптік және дене бітімінің дамуына көмек көрсету;
• 5) сотталғандардың еңбегін, тұрмысын және бос уақытын ұйымдастыруға жәрдемдесу.

Тармақ 3. Ерікті ұйымдардың жұмысына қатысу сотталғандардың мінездемелерін жасау кезінде ескеріледі.

Тармақ 4. Сотталғандардың ерікті ұйымдарының мүшелері қосымша жеңілдіктерді, артықшылықтарды пайдаланбайды және мекеме әкімшілігінің өкілеттіктеріне ие бола алмайды.