Бап 285 ҚР Қылмыстық іс жүргізу кодексінің

Тармақ 1. Сарапшыдан немесе маманнан жауап алу:

• 1) сарапшының немесе маманның қорытындысына байланысты іс үшін елеулі мәні бар, қосымша зерттеуді қажет етпейтін мәселелерді анықтау;
• 2) сарапшы, маман қолданған әдістерді және пайдаланылған терминдерді нақтылау;
• 3) қорытындының құрамдас бөлігі болып табылмайтын, бірақ сарапшының немесе маманның сотқа дейінгі процеске қатысуына байланысты басқа да фактілер мен мән-жайлар туралы ақпарат алу;
• 4) сарапшының немесе маманның біліктілігін анықтау мақсатында жүргізіледі.

Тармақ 2. Сарапшы мен маманнан жауап алу осы Кодекстің 210-бабының қағидалары бойынша жүргізіледі.

Тармақ 3. Сарапшыдан, маманнан олар қорытынды бергенге дейін жауап алуға тыйым салынады.

Тармақ 4. Сарапшыдан тірі адамдарға қатысты сот-психиатриялық, сондай-ақ сот-медициналық сараптама жүргізуге байланысты өзіне белгілі болған, өзінің қорытындысына қатысы жоқ мән-жайлардың себептері бойынша жауап алынбайды.