Тармақ 1. Осы Кодекстiң 390-бабында көрсетiлген мәселелердi шешкеннен кейiн сот үкiмдi жасауға көшедi.
Тармақ 2. Үкiм сот талқылауы жүргiзiлген тiлде жазылады.
Тармақ 3. Үкiм кiрiспе, сипаттау-уәждеу және қарар бөлiмдерінен тұрады.
Тармақ 4. Үкімді судья қолдан жазуы, машинаға басу тәсілімен не компьютерлік тәсілмен дайындауы мүмкін және ол оған қол қояды.
Тармақ 5. Үкімдегі түзетулер ескертілуге және үкім жария етілгенге дейін оның тиісті бетінде судьяның қол қоюымен куәландырылуға тиіс.
Тармақ 6. Үкiмге ол жария етілгеннен кейiн өзгерiстер енгiзуге жол берiлмейдi.