Бап 627 ҚР Қылмыстық іс жүргізу кодексінің

Тармақ 1. Келісімдік іс жүргізуде қаралған іс бойынша шығарылған үкімнің кіріспе бөлігі осы Кодекстің 396-бабының талаптарына сәйкес келуге тиіс.

Тармақ 2. Келісімдік іс жүргізуде шығарылған айыптау үкімінің сипаттау-уәждеу бөлігінде процестік келісімге сілтеме қамтылуға тиіс және мыналар:

• 1) жасалуына сотталушы кінәлі деп танылған қылмыстық іс-әрекеттің сипаты;
• 2) жасалған әрекеттің саралануы;
• 3) жаза тағайындаудың уәждері;
• 4) азаматтық талап қою бойынша шешімнің уәждері, оны орындаудың тәртібі мен мерзімі;
• 5) заттай дәлелдемелердің тағдыры және процестік шығындарды өндіріп алу көрсетіледі.

Тармақ 3. Үкімнің қарар бөлігінде:

• 1) сотталушыны Қазақстан Республикасы Қылмыстық кодексінің тиісті тармағы, бөлігі және бабы бойынша кінәлі деп тану;
• 2) жазалау шарасы;
• 3) азаматтық талап қою және процестік шығындар туралы мәселе бойынша шешім;
• 4) келтірілген залалды процестік келісімнің талаптарына сәйкес өтеу мерзімі;
• 5) үкімге шағым жасау тәртібі мен мерзімі көрсетіледі.

Тармақ 4. Сот үкімді шығарумен бір мезгілде осы Кодекстің 401-бабында санамаланған мәселелерді шешуге тиіс.

Үкімнің көшірмесі шығарылған күнінен бастап бес тәуліктен кешіктірілмейтін мерзімде сотталған адамға, оның қорғаушысына және прокурорға табыс етіледі.

Келісімдік іс жүргізуде қаралған іс бойынша сот үкіміне осы Кодексте көзделген тәртіппен және мерзімдерде жалпы негіздерде шағым жасауға, оны прокурордың өтінішхаты бойынша қайта қарауға және наразылық білдіруге болады.