Айыптау үкімінің қарар бөлігінде мыналар көрсетілуге тиіс:
- 1) сотталушының тегi, аты және әкесiнiң аты (ол болған кезде);
- 2) сотталушыны қылмыстық құқық бұзушылық жасауда кінәлі деп тану туралы шешім;
- 3) сотталушы кінәлі деп танылған қылмыстық заң (бап, бөлік, тармақ);
- 4) айыппұл мөлшері, оның ішінде теріс қылықтардың және (немесе) онша ауыр емес қылмыстардың жиынтығы кезінде әрбір қылмыстық құқық бұзушылық үшін Қазақстан Республикасы Қылмыстық кодексiнiң 58-бабы негізінде тағайындалған айыппұлдың түпкілікті мөлшері;
- 4-1) сотталушыны белгілі бір лауазымды атқару немесе белгілі бір қызметпен айналысу құқығынан айыру туралы шешім;
- 5) қойылған азаматтық талап бойынша шешім;
- 6) заттай дәлелдемелер туралы мәселенің шешілуі;
- 7) процестік шығасыларды бөлу туралы шешім;
- 8) үкіммен келіспейтіні туралы өтінішхат келтіру және үкімге шағым жасау тәртібі мен мерзімі туралы көрсету.