Бап 93 ҚР Қылмыстық кодексінің

Тармақ 1. Сот медициналық сипаттағы мәжбүрлеу шараларының мынадай түрлерiн:

• 1) амбулаториялық мәжбүрлеп байқауды және психиатрда емдеуді;
• 2) жалпы үлгідегі психиатриялық стационарда мәжбүрлеп емдеуді;
• 3) мамандандырылған үлгідегі психиатриялық стационарда мәжбүрлеп емдеуді;
• 4) интенсивтi байқайтын мамандандырылған үлгідегі психиатриялық стационарда мәжбүрлеп емдеуді;
• 5) химиялық кастрациялауды және сексуалдық зорлық-зомбылыққа бейімділік пен сексуалдық артықшылық беруінің бұзылуын емдеуді тағайындауы мүмкін.

Тармақ 2. Есi дұрыс күйiнде жасалған қылмыстық құқық бұзушылықтар үшiн сотталған, бiрақ есiнің дұрыстығы жоққа шығарылмайтын, психикалық, мінез-құлықтық, оның ішінде психикаға белсенді әсер ететін заттарды тұтынуға байланысты бұзылушылықтарынан (ауруларынан) емдеудi қажет ететiн адамдарға сот жазамен бiрге амбулаториялық мәжбүрлеп байқау және психиатрда емдеу түрiнде медициналық сипаттағы мәжбүрлеу шараларын тағайындауы мүмкiн.

Тармақ 3. Кәмелетке толмағандарға жыныстық тиіспеушілікке қарсы қылмыс жасаған адамдарға сот жаза мерзімін өтегеніне қарай бостандығынан айыру орындарынан босату кезінде медициналық сипаттағы мәжбүрлеу шараларын тағайындау, ұзарту, өзгерту немесе тоқтату туралы мәселені шешеді.