Бап 300 ҚР Қылмыстық кодексінің. Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру

Тармақ 1. Өсiруге тыйым салынған өсiмдiктердi егу немесе өсiру немесе сораның, көкнәрдiң немесе құрамында есiрткi заттар бар басқа да өсiмдiктердiң сұрыптарын егіп-өсіру –

екі мың айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына не алты жүз сағатқа дейінгі мерзімге қоғамдық жұмыстарға тартуға не екі жылға дейiнгi мерзiмге бас бостандығын шектеуге не сол мерзiмге бас бостандығынан айыруға жазаланады.

Тармақ 2. Мынадай:

• 1) адамдар тобының алдын ала сөз байласуымен;
• 2) бірнеше рет;
• 3) ірі мөлшерде жасалған дәл сол іс-әрекеттер –

үш жылдан сегiз жылға дейiнгi мерзiмге бас бостандығынан айыруға жазаланады.

Тармақ 3. Осы баптың бірінші бөлігінде көзделген:

• 1) қылмыстық топ жасаған;
• 2) аса ірі мөлшерде жасалған іс-әрекет –

мүлкі тәркіленіп немесе онсыз, жеті жылдан он екі жылға дейiнгi мерзiмге бас бостандығынан айыруға жазаланады.