Бап 271 ҚР Кеден реттеу туралы кодексінің. Ішкі тұтыну үшін қайта өңдеу жөніндегі операциялар

Тармақ 1. Ішкі тұтыну үшін қайта өңдеу жөніндегі операциялар:

• 1) тауарларды қайта өңдеуді немесе өңдеуді;
• 2) монтаждауды, жинауды, бөлшектеуді және шақтауды қоса алғанда, тауарларды дайындауды қамтиды.

Тармақ 2. Ішкі тұтыну үшін қайта өңдеу жөніндегі операцияларға:

• 1) тауарларды сатуға және тасымалдауға (тасуға) дайындау кезінде олардың сақталуын қамтамасыз ету жөніндегі операциялар, оның ішінде тауарлар өздерінің жеке-дара сипаттамаларын жоғалтпайтын тауарларды орау, өлшеп-орау және сұрыптау;
• 2) төл алу, құстарды, балықтарды қоса алғанда, жануарларды өсіру және бордақылау, сондай-ақ шаян тәріздестер мен моллюскілерді өсіру;
• 3) ағаштар мен өзге де өсімдіктерді өсіру;
• 4) ақпаратты, аудио- және бейнежазбаларды ақпарат жеткізгіштердің кез келген түріне көшіру және көбейту;
• 5) Комиссия айқындайтын өзге де операциялар жатпайды.

Тармақ 3. Ішкі тұтыну үшін қайта өңдеу жөніндегі операцияларды жасаған кезде Еуразиялық экономикалық одақтың тауарларын пайдалануға жол беріледі.