Тармақ 6 Бап 352 ҚР Кеден реттеу туралы кодексінің. Халықаралық пошта жөнелтілімдерімен жіберілетін, Еуразиялық экономикалық одақтың кедендік аумағына әкелінетін (әкелінген) жеке пайдалануға арналған тауарларға қатысты кедендік баждарды, салықтарды төлеу бойынша міндеттің туындауы және тоқтатылуы, оларды төлеу мерзімі және есептеу

Осы баптың 5-тармағында көрсетілген тауарларға қатысты кедендік баждарды, салықтарды төлеу мерзімі мынадай мән-жайлар басталған кезде:

• 1) аварияның немесе еңсерілмейтін күш әсерінің салдарынан жойылу және (немесе) қайтарымсыз жоғалту не тасымалдаудың (тасудың) және (немесе) сақтаудың қалыпты жағдайларындағы табиғи кему нәтижесінде қайтарымсыз жоғалуды қоспағанда, жеке пайдалануға арналған тауарлар жоғалған жағдайда – осындай жоғалу күні, ал егер бұл күн анықталмаса – осындай жоғалуды кеден органы анықтаған күн;
• 2) кедендік баждар, салықтар төленбей, жеке пайдалануға арналған тауарлар берілген жағдайда – осындай тауарларды беру күні, ал егер бұл күн анықталмаса – осындай беруді кеден органы анықтаған күн болып есептеледі.