Бап 477 ҚР Кеден реттеу туралы кодексінің

Тармақ 1. Шағым жазбаша нысанда беріледі.

Тармақ 2. Шағымда мыналар көрсетілуге тиіс:

• 1) шағымға қол қойылған күн;
• 2) шағым берілетін уәкілетті органның атауы;
• 3) шағым беруші тұлғаның тегі, аты, әкесінің аты (егер бұл жеке басты куәландыратын құжатта көрсетілсе) не толық атауы, оның тұрғылықты жері (тұрған жері);
• 4) сәйкестендіру нөмірі;
• 5) хабарлама ұсынған кеден органының атауы;
• 6) шағым беруші тұлға өз талаптарын негіздейтін мән-жайлар, сондай-ақ осы мән-жайларды растайтын мәліметтер;
• 7) қоса беріліп отырған құжаттардың тізбесі.

Тармақ 3. Шағымды қарау үшін маңызы бар өзге де мәліметтер шағымда көрсетілуі мүмкін.

Тармақ 4. Шағым берген тұлға не оның өкілі шағымға қол қояды.

Тармақ 5. Шағымға мыналар қоса беріледі:

• 1) шағым жасалып отырған хабарламаның және кедендік тексеру актісінің көшірмесі;
• 2) шағым берген тұлға өз талаптарын негіздеген мән-жайларды растайтын құжаттар;
• 3) іске қатысы бар өзге де құжаттар.