Тармақ 1. Мемлекеттік органдар және өзге де ұйымдар Қазақстанда шығарылатын тауарлар, орындалатын жұмыстар мен көрсетілетін қызметтер өндірісін дамытуды ынталандыру үшін қолайлы жағдайлар жасау жөніндегі шараларды іске асырады.
Тармақ 2. Нормативтік құқықтық актілердің жобаларын әзірлеу және оларға сараптама жасау, Қазақстан Республикасының халықаралық шарттарын жасасу және халықаралық ұйымдардың шешімдер қабылдауына қатысу кезінде Қазақстанда шығарылатын тауарлардың, орындалатын жұмыстар мен көрсетілетін қызметтердің бәсекеге қабілеттілігін арттыру мақсатында Қазақстан Республикасының ұлттық мүдделері ескеріледі.