Бап 3 ҚР Кәсіпкерлік кодексінің

Тармақ 1. Кәсіпкерлік субъектілері мен мемлекеттің өзара іс-қимылы Қазақстан Республикасында кәсіпкерлікті дамыту және қоғам үшін қолайлы жағдайлар жасауға, кәсіпкерлік бастаманы ынталандыруға бағытталады.

Тармақ 2. Кәсіпкерлік субъектілері мен мемлекеттің өзара іс-қимылының қағидаттары мыналар болып табылады:

• 1) заңдылық;
• 2) кәсіпкерлік еркіндігі;
• 3) кәсіпкерлік субъектілерінің теңдігі;
• 4) меншікке қол сұғылмаушылық;
• 5) адал бәсекелестік;
• 6) тұтынушылар, кәсіпкерлік субъектілері және мемлекет мүдделерінің теңгерімі;
• 7) мемлекеттік органдар қызметінің ашықтығы және ақпаратқа қолжетімділік;
• 8) кәсіпкерлікті мемлекеттік реттеудің тиімділігі;
• 9) кәсіпкерлік субъектілерінің өз құқықтары мен заңды мүдделерін өз бетінше қорғау қабілеттілігін арттыру;
• 10) құқық бұзушылықтың алдын алу басымдығы;
• 11) кәсіпкерлік субъектілерінің адалдық презумпциясы және мемлекет пен кәсіпкерлік субъектілерінің өзара жауапкершілігі;
• 12) сыбайлас жемқорлықтан азат болу;
• 13) кәсіпкерлік қызметті ынталандыру және оны қорғау мен қолдауды қамтамасыз ету;
• 14) қазақстандық тауарлар өндірушілерді, жұмыс орындаушыларды, қызмет көрсетушілерді қолдау;
• 15) мемлекеттің кәсіпкерлік субъектілерінің ісіне заңсыз араласуына жол бермеу;
• 16) жеке кәсіпкерлік субъектілерінің норма шығарушылыққа қатысуы;
• 17) кәсіпкерліктің әлеуметтік жауапкершілігін ынталандыру;
• 18) мемлекеттің кәсіпкерлік қызметке шектеулі қатысуы;
• 19) өзін-өзі реттеу.