ЗҚАИ-ның ескертпесі! 1-тармаққа өзгеріс енгізу көзделген – ҚР 09.01.2026 № 256-VIII (алғашқы ресми жарияланған күнінен кейін алты ай өткен соң қолданысқа енгізіледі ) Заңымен.
Тармақ 1. Қазақстандық тауар өндірушілер тізілімі қазақстандық тауар өндірушілер мен Қазақстанда шығарылатын, олар өндіретін тауарлар туралы мәліметтерді қамтитын "электрондық үкіметтің" ақпараттық-коммуникациялық инфрақұрылымының объектісі болып табылады.
Тармақ 2. Қазақстандық тауар өндірушілер тізілімін жүргізу қағидаларын өнеркәсіпті мемлекеттік ынталандыру саласындағы уәкілетті орган айқындайды.
Тармақ 3. Қазақстандық тауар өндірушілер тізіліміне енгізілген қазақстандық тауар өндірушілер Қазақстан Республикасының заңнамасына сәйкес өнеркәсіпті мемлекеттік ынталандыру шараларын және өзге де мемлекеттік қолдау шараларын алуға құқылы.
Тармақ 4. Қазақстандық тауар өндірушілер тізілімін дамытуды, қолдап отыруды және оған жүйелік-техникалық қызмет көрсетуді мемлекеттік сатып алу саласындағы бірыңғай оператор жүзеге асырады.