Бап 78 ҚР Орман кодексінің. Селекциялық-гендiк мақсаттағы объектiлер

Тармақ 1. Мемлекеттiк орман қоры учаскелерiнде селекциялық-гендiк мақсаттағы объектiлердi анықтау мен құру орман өсiмдiктерiнiң гендiк қорын кепiлдi сақтау, тұқым қуалаушылық қасиеттерiн бағалау, орман тұқым шаруашылығында пайдалану үшін неғұрлым келешегі бар тұқымдар түрiн iрiктеп алу үшiн жүзеге асырылады.

Тармақ 2. Селекциялық-гендiк мақсаттағы объектiлерге:

• 1) артықшылығы бар ағаштар;
• 2) артықшылығы бар ағаштар клондарының мұрағаттары;
• 3) географиялық дақылдар;
• 4) популяциялар мен будандардың сынақ дақылдары;
• 5) орман генетикалық резерваттары жатады.

Тармақ 3. Селекциялық-генетикалық мақсаттағы объектiлер уәкiлеттi орган айқындаған тәртiппен анықталады, жасалады және пайдаланылады.

Тармақ 3-1. Мемлекеттiк орман қоры учаскелерiнде селекциялық-генетикалық мақсаттағы объектiлердi аттестаттау мен есепке алуды уәкілетті орган белгілеген тәртіппен осы салада маманданған ұйымдар жүзеге асырады.

Тармақ 4. Селекциялық-гендiк мақсаттағы объектiлердi күзетудi мемлекеттiк орман иеленушiлер жүзеге асырады.