Бап 112-3 ҚР Орман кодексінің. Жекеше орман өсіруді мемлекеттік қолдау және оны жүзеге асыру мерзімдері

Тармақ 1. Жекеше орман өсіруді мемлекеттік қолдау:

• 1) өнеркәсіптік және энергетикалық мақсаттарда, тез өсетін ағаш және бұта тұқымдылары плантацияларын отырғызу мен өсіруге жұмсалатын шығыстарды өтеу (елу пайызға дейін);
• 2) жекеше орман питомниктерін құру және дамытуға жұмсалатын шығыстарды өтеу (елу пайызға дейін) арқылы жүзеге асырылады.

Тармақ 2. Жекеше орман өсіруді мемлекеттік қолдау мынадай мерзімдерден аспай жүзеге асырылады:

• 1) өнеркәсіптік және энергетикалық мақсаттарда, тез өсетін ағаш және бұта тұқымдыларын плантациялық өсіру – он-он бес жыл;
• 2) жекеше орман питомниктерін құру мен дамыту – бес-он жыл.