Бап 108-1 ҚР Халық денсаулығы туралы кодексінің

Тармақ 1. Энергетикалық сусындарды тұтыну профилактикасы және тұтынуды шектеу халық денсаулығын оларды тұтыну салдарынан сақтауға және инфекциялық емес аурулардың пайда болуының алдын алуға бағытталған.

Тармақ 2. Энергетикалық сусындарды:

• 1) жиырма бір жасқа дейінгі адамдарға;
• 2) сауда автоматтары, өзге де электрондық немесе механикалық құрылғылар арқылы сатушының тікелей қатысуынсыз;
• 3) сәйкестікті бағалау (растау) туралы құжаттарсыз өткізуге тыйым салынады.

Тармақ 3. Энергетикалық сусындарды таңбалау Қазақстан Республикасының заңнамасына, сондай-ақ Қазақстан Республикасы ратификациялаған халықаралық шарттардың талаптарына сәйкес жүзеге асырылады.

Тармақ 4. Энергетикалық сусындарды сату кезінде энергетикалық сусындар саудасын жүзеге асыратын адамдар сатып алушының жиырма бір жасқа толғанына күмән туындаған жағдайда:

• 1) жеке басты куәландыратын құжатты көрсетуін талап етуге;
• 2) егер жеке басты куәландыратын құжат көрсетілмеген жағдайда, энергетикалық сусындарды сатудан бас тартуға міндетті.

Тармақ 5. Энергетикалық сусындарды сату жүзеге асырылатын орындардағы көрнекі жерде мынадай мазмұндағы: "Энергетикалық сусындарды жиырма бір жасқа дейінгі адамдарға сатуға тыйым салынады." деген жазба орналастырылуға тиіс.