Бап 138 ҚР Халық денсаулығы туралы кодексінің

Тармақ 1. Медициналық көмек көрсетуді ұйымдастыру стандарты - Қазақстан Республикасының денсаулық сақтау саласындағы заңнамасына сәйкес медициналық көмек көрсетуді ұйымдастыру процестеріне қойылатын талаптар мен қағидаларды белгілейтін нормативтік құқықтық акт.

Тармақ 2. Медициналық көмек көрсетуді ұйымдастыру стандарты аурулардың (қызметтердің) бейіндері бойынша әзірленеді және мынадай талаптарды:

• 1) жалпы ережелерді;
• 2) медициналық көмек көрсететін ұйымдардың құрылымын;
• 3) медициналық көмек көрсететін ұйымдар қызметінің негізгі міндеттері мен бағыттарын;
• 4) медициналық көмек көрсету деңгейлері, түрлері, нысандары мен жағдайлары бөлінісінде оны көрсету тәртібін;
• 5) қызметкерлердің ұсынылатын штатын;
• 6) медициналық бұйымдармен ұсынылатын жарақтандыруды;
• 7) ауру (қызмет) бейінінің ерекшеліктерін ескере отырып өзгелерді қамтиды.

Тармақ 3. Медициналық көмек көрсетуді ұйымдастыру стандарттарын уәкілетті орган бекітеді.