Бап 51-4 ҚР Халық денсаулығы туралы кодексінің

Тармақ 1. Халықтың санитариялық-эпидемиологиялық саламаттылығы саласындағы нормативтік құқықтық актілер талаптарының бұзылуы мониторинг жүргізуге негіз болғанда, мониторинг осындай талаптардың сақталуы тұрғысынан ерекше бақылау және қадағалау объектісін зерттеп-қарауды білдіреді. Мониторинг әкімшілік іс жүргізу қозғалмай жүзеге асырылады.

Тармақ 2. Мониторинг:

жаппай инфекциялық және инфекциялық емес аурулар (уланулар) анықталған;

интернаттық ұйымдардың, білім беру ұйымдарының, балаларға арналған санаторийлік-курорттық және сауықтыру ұйымдарының қызметтер көрсетуге дайындығын қызметтер көрсету басталғанға дейін және қызметтер көрсету кезеңінде бағалау қажет болған;

балаларға медициналық қызмет көрсететін денсаулық сақтау ұйымдарында санитариялық-профилактикалық және санитариялық-эпидемияға қарсы іс-шаралардың уақтылы жүргізілуін бағалау қажет болған жағдайларда уәкілетті органның бірінші басшысының тапсырмасы болған жағдайда Қазақстан Республикасы Бас мемлекеттік санитариялық дәрігерінің шешімі негізінде жүргізіледі.

Мониторинг жүргізу туралы шешімде мыналар көрсетіледі:

• 1) Қазақстан Республикасы Президентінің, сондай-ақ Қазақстан Республикасы Президенті Әкімшілігі Басшысының, Қазақстан Республикасы Премьер-Министрінің және олардың орынбасарларының;
• 2) мынадай:
• 1) қызмет түрі;
• 2) мониторинг нысанасы;
• 3) мониторинг тағайындалатын аумақ (Қазақстан Республикасы немесе оның жекелеген әкімшілік-аумақтық бірліктері);
• 4) мониторинг жүзеге асырылатын кезең.

Тармақ 3. Ерекше бақылау және қадағалау объектісінде жаппай инфекциялық және инфекциялық емес аурулар (уланулар) анықталған кезде осыған ұқсас қызметтер көрсететін ерекше бақылау және қадағалау объектілеріне қатысты мониторинг тағайындалады.

Тармақ 4. Аумақтық бөлімшелер мониторинг жүргізу туралы шешімнің негізінде мониторингті осы шешімде белгіленген кезеңде жүргізуге міндетті.

Тармақ 5. Мониторинг жүргізу мерзімі он жұмыс күнінен аспауға тиіс және осы баптың 6-тармағына сәйкес ұзартылуы мүмкін.

Ерекше бақылау және қадағалау субъектісіне (заңды тұлғаның басшысына не оның уәкілетті адамына, жеке тұлғаға) мониторинг жүргізу туралы шешімнің көшірмесі табыс етілген күн мониторинг жүргізудің басталғаны болып есептеледі.

Тармақ 6. Мониторинг жүргізу мерзімі зертханалық зерттеулердің нәтижелерін алу қажет болған жағдайда аумақтық бөлімше басшысының (не оның міндетін атқарушы адамның) шешімі негізінде он жұмыс күніне ұзартылуы мүмкін.

Тармақ 7. Мониторинг жүргізу туралы бір шешімнің шеңберінде ерекше бақылау және қадағалау объектісіне мониторинг бір реттен асырылмай жүргізілуге тиіс.