Бап 103 ҚР Неке және отбасы туралы кодексінің

Тармақ 1. Бала асырап алу:

• 1) бала асырап алу туралы сот шешiмі жалған құжаттар негiзiнде қабылданған;
• 2) осы Кодекстің 93-бабында аталған адамдардың келісімінсіз бала асырап алынған;
• 3) некеде тұрған (ерлі-зайыпты болған) адам басқа жұбайының жазбаша келiсiмiнсiз бала асырап алған;
• 4) осы Кодекстің 91-бабының 2-тармағында және 3-тармағының екінші бөлігінде көзделген ережелер бұзылған жағдайларда жарамсыз деп танылады.

Тармақ 2. Бала асырап алуды жарамсыз деп тану сот тәртiбiмен жүргiзiледi.

Тармақ 3. Бала асырап алуды жарамсыз деп тану туралы iстi асырап алушылардың, прокурордың және қорғаншылық немесе қамқоршылық жөніндегі функцияларды жүзеге асыратын орган өкілінің міндетті түрде қатысуымен сот қарайды.