Бап 25 ҚР Неке және отбасы туралы кодексінің

Тармақ 1. Осы Кодекстің 9 - 11-баптарында белгіленген шарттар бұзылған кезде, сондай-ақ мынадай жағдайларда:

• 1) жалған неке (ерлі-зайыптылық) қиылған кезде;
• 2) мәжбүрлеп неке (ерлі-зайыптылық) қиылған кезде;
• 3) егер некеге отырған (ерлі-зайыпты болған) адамдардың біреуі екіншісінен құрылған отбасы мүшелеріне, жеке басының және қоғамның қауіпсіздігіне нақты қауіп төндіретін ауруы бар екенін жасырса, сот некені (ерлі-зайыптылықты) жарамсыз деп таниды.

Тармақ 2. Сот некені (ерлі-зайыптылықты) жарамсыз деп тану туралы соттың шешімі заңды күшіне енген күннен бастап үш күн ішінде соттың осы шешімінің үзінді көшірмесін неке қиюдың (ерлі-зайыпты болудың) мемлекеттік тіркелген жері бойынша тіркеуші органға жіберуге міндетті.

Тармақ 3. Неке (ерлі-зайыптылық) қиылған күнінен бастап жарамсыз деп танылады.