Құзыретті орган барлау кезеңін ұзартудан мына жағдайда:
- 1) егер өтініш осы Кодексте белгіленген талаптарға сәйкес келмесе;
- 2) осы баптың 1, 2, 2-1, 3 және 3-2-тармақтарында көзделген барлау кезеңін ұзарту үшін негіздер жоқ болса;
- 3) жер қойнауын пайдаланушының құзыретті органның хабарламасында көрсетілген жер қойнауын пайдалануға арналған келісімшарт бойынша міндеттемелерінің жойылмаған бұзушылықтары болса;
- 4) аз зерттелген аумақтар шегінде орналасқан жер қойнауы учаскесінде көмірсутектерді барлауға және өндіруге арналған келісімшарт бойынша барлаудың бастапқы кезеңінің жұмыстар бағдарламасы толық көлемде орындалмаса, бас тартады.
Құзыретті органның барлау кезеңін ұзартудан бас тартуы жер қойнауын пайдаланушыны барлау кезеңі ішінде қайтадан өтініш беру құқығынан айырмайды.