Бап 95 ҚР Салық кодексінің

Тармақ 1. Камералдық бақылау салық органдарында бар мынадай деректерді:

• 1) салықтық есептілікті;
• 2) өзге де мемлекеттік органдардың салық салу объектілері және (немесе) салық салуға байланысты объектілер туралы мәліметтерін;
• 3) салық төлеушінің қызметі бойынша әртүрлі ақпарат көздерінен алынған мәліметтерді;
• 4) осы Кодексте белгіленген өзге де есептілікті салыстыру арқылы жүргізіледі.

Тармақ 2. Камералдық бақылау шот-фактуралар электрондық нысанда жазып берілгеннен кейін және (немесе) осы Кодексте белгіленген осындай кезең үшін салықтық есептілікті ұсыну мерзімі өткеннен кейін тиісті салықтық кезең үшін жүргізіледі.

Тармақ 3. Камералдық бақылау осы Кодекстің 48-бабында белгіленген ережелер ескеріле отырып, талап қоюдың ескіру мерзімі ішінде жүзеге асырылады.