Бап 179 ҚР Салық кодексінің

Тармақ 1. Салық төлеушінің (салық агентінің) шағымы жазбаша нысанда беріледі.

Тармақ 2. Шағымда:

• 1) шағым берілетін уәкілетті органның атауы;
• 2) шағым беретін тұлғаның тегі, аты және әкесінің аты (егер ол жеке басын куәландыратын құжатта көрсетілген болса) не толық атауы, оның тұрғылықты жері (орналасқан жері);
• 3) сәйкестендіру нөмірі;
• 4) салықтық тексеру жүргізген салық органының атауы;
• 5) шағым беруші тұлға өз талаптарын негіздейтін мән-жайлар және осы мән-жайларды растайтын дәлелдемелер;
• 6) салық төлеушiнiң (салық агентiнiң) шағымға қол қойған күнi;
• 7) қоса берілетін құжаттардың тізбесі көрсетілуге тиіс.

Тармақ 3. Шағымда дауды шешу үшін маңызы бар өзге де мәліметтер көрсетілуі мүмкін.

Тармақ 4. Шағымға салық төлеуші (салық агенті) не оның өкілі болып табылатын адам қол қояды.

Тармақ 5. Шағымға:

• 1) салық төлеуші (салық агенті) өз талаптарын негіздейтін мән-жайларды растайтын құжаттар;
• 2) іске қатысы бар өзге де құжаттар қоса беріледі.