Лотерея операторының лотерея билеттерін, электрондық лотерея билеттерін өткізуі кезіндегі айналымның мөлшері мынадай сомалардың бірінің:
- 1) "Лотереялар және лотерея қызметі туралы" Қазақстан Республикасының Заңына сәйкес қалыптасқан жүлде қорының сомасын, дене шынықтыру мен спортты дамытуға бөлінген аударымдарды және растайтын құжаттар бар болған кезде лотереяны өткізуге байланысты шығыстарды шегергендегі өткізілген лотерея билеттерінің, электрондық лотерея билеттерінің құны;
- 2) егер осы тармақтың 1) тармақшасына сәйкес айқындалған сома өткізілген лотерея билеттері, электрондық лотерея билеттері құнының төрт пайызынан кем болған жағдайда, өткізілетін лотерея билеттері, электрондық лотерея билеттері құнының төрт пайызы мөлшерінде айқындалады.