Активтер мен міндеттемелер туралы декларация мынадай түрлерге бөлінеді:
- 1) бастапқы – активтер мен міндеттемелер туралы декларацияны тапсыру бойынша белгіленген міндет алғаш туындауына байланысты жеке тұлға тапсыратын активтер мен міндеттемелер туралы декларация;
- 2) кезекті, егер мұндай жеке тұлға активтер мен міндеттемелер туралы бастапқы декларацияны ұсынса, "Қазақстан Республикасындағы сайлау туралы" Қазақстан Республикасының Конституциялық заңына , " Сыбайлас жемқорлыққа қарсы іс-қимыл туралы ", " Қазақстан Республикасындағы банктер және банк қызметі туралы ", " Сақтандыру қызметі туралы ", " Бағалы қағаздар рыногы туралы " Қазақстан Республикасының заңдарына сәйкес осындай жеке тұлға тапсыратын активтер мен міндеттемелер туралы декларация;
- 3) қосымша – өзгерістер және (немесе) толықтырулар жататын, бұрын тапсырылған жеке тұлғаның активтері мен міндеттемелері туралы декларацияға өзгерістер және (немесе) толықтырулар енгізілген кезде жеке тұлға тапсыратын активтер мен міндеттемелер туралы декларация;
- 4) хабарлама бойынша қосымша – жеке тұлғаның активтері мен міндеттемелері бойынша камералдық бақылау нәтижелері бойынша салық органы бұзушылықтарды анықтаған, бұрын тапсырылған активтер мен міндеттемелер туралы декларацияға өзгерістер және (немесе) толықтырулар енгізілген кезде жеке тұлға тапсыратын активтер мен міндеттемелер туралы декларация.