Тармақ 1. Күнтізбелік жыл қорытындысы бойынша жеке тұлғаның салық салынатын кірісі осы бапқа сәйкес айқындалады.
Тармақ 2. Дара кәсіпкердің және резидент – еңбекші көшіп келушінің кірісін қоспағанда, жеке тұлға өз бетінше салық салуға жататын оның салық салынатын кірісі мынадай тәртіппен айқындалады:
дара кәсіпкердің және резидент – еңбекші көшіп келушінің кірісін қоспағанда, жеке тұлғаның өз бетінше салық салуына жататын кірістері
жеке практикамен айналысатын адамның салық салынатын кірісі,
жұмыскердің төлем көзінен салық салуға жататын кірістеріне өзге шегерімдердің алдын ала сомасы қолданылған жағдайда, жұмыс беруші есепке жазған осындай кірістер сомасы,
осы Кодекстің 341-бабында көзделген кірісті түзету
осы Кодекстің 342-бабының 1-тармағында көрсетілген салықтық шегерімдер.
Тармақ 3. Дара кәсіпкердің салық салынатын кірісі мынадай тәртіппен айқындалады:
осы Кодекстің 366-бабының 1-тармағында белгіленген тәртіппен айқындалған дара кәсіпкердің салық салынатын кірісі
осы Кодекстің 341-бабында көзделген кірісті түзету
осы Кодекстің 342-бабының 1-тармағында көрсетілген салықтық шегерімдер.
Тармақ 4. Резидент – еңбекші көшіп келушінің салық салынатын кіріс сомасы осы Кодекстің 642-бабында белгіленген тәртіппен айқындалады.
Тармақ 5. Шағын бизнес субъектілері үшін арнаулы салық режимін қолданатын дара кәсіпкерлер көрсетілген арнаулы салық режимдері шеңберінде салық салынатын кірістер бойынша жеке табыс салығын есептеуді осы Кодекстің 77-тарауына сәйкес жүргізеді.