Тармақ 1. Салық салудың жалпыға бірдей белгіленген тәртібін қолданатын дара кәсіпкерлер кәсіпкерлік қызмет бойынша жеке табыс салығы бойынша декларация ұсынады.
Тармақ 2. Кәсіпкерлік қызмет бойынша жеке табыс салығы бойынша декларация таратудың салықтық есептілігін қоспағанда, тұрған жеріндегі салық органына есепті салықтық кезеңнен кейінгі жылдың 31 наурызынан кешіктірілмей ұсынылады.
Тармақ 3. Дара кәсіпкердің қызметі тоқтатылған кезде кәсіпкерлік қызмет бойынша жеке табыс салығы бойынша тарату декларациясын ұсыну мерзімі осы Кодекстің 65, 66 және 67-баптарында белгіленген.