Тараптар бірін бірі: көші-қон және иммиграция саласындағы ұлттық заңнама туралы және еңбек, жұмыспен қамту, оның ішінде еңбекші-мигранттардың өмір сүру жағдайлары туралы басқа да нормативтік құқықтық актілер туралы; Тараптардың еңбек рыноктарындағы ахуал туралы хабардар етеді. Тараптар шығу Тарабы құзыретті органдарының осындай қызмет түрін жүзеге асыруға тиісті рұқсаты жоқ делдалдардың еңбекші-мигранттарды жұмысқа орналастыруының алдын алу мақсатында қажетті шараларды қабылдайды. Жасырын немесе заңсыз иммиграцияға ықпал ететін кез келген адам жұмысқа орналастыру Тарабының қолданыстағы заңнамасына сәйкес жауапты болады.