жылдардан бастап жалдау ақысын Ресей Тарапы жүзеге асырады: өтемақылық негізде 17,8 млн. АҚШ долларына тең сомада - қару-жарақ және әскери техникаларды беруге, оларға жөндеу жүргізу жөнінде, Ресей Федерациясының әскери-оқу орындарында қазақстандық әскери қызметкерлерді даярлау жөнінде қызмет көрсетуге Ресей Федерациясы мен Қазақстан Республикасының әскери ынтымақтастық туралы 1994 жылғы 28 наурыздағы Шартының 17-бабына сәйкес басқа да жеткізулер мен қызмет көрсетулерге. Өтемдердің түрлері жыл сайын келісілген мерзімдерде Тараптардың жеке Хаттамасымен айқындалады. Аталған Хаттама осы Шарттың бөлінбес бөлігі болып табылады; жер учаскелерін пайдаланғаны үшін өтемақы бойынша 2,17 млн. АҚШ долларына тең сомада - Қазақстан Тарапына еркін конверттелетін валютамен, Ресей рублімен және теңгемен есепті жылдың 15 желтоқсанына дейін аудару арқылы. Приозерск қаласының инфрақұрылымдарын ұстаудағы Ресей тарапының үлесі Ресей Тарапының Приозерск қаласының тіршілік-тынысын қамтамасыз ету туралы хаттаманың ережелерін жүзеге асыруға байланысты шығыстарын қаржыландыру үшін мақсатты тұрғыда тікелей полигонның командованиесіне төленеді.