Кеңес өз Президентiн үш жыл мерзiмге сайлайды. Ол қайта сайлануы мүмкiн. Оның дауыс беру құқығы жоқ Кеңес өз мүшелерi арасынан бiрнеше вице-президент сайлайды, олар Президент мiндеттерiн атқарған кезде дауыс беру құқығын сақтап қалады. Президент Кеңес мүшелерi арасынан сайлануы мiндеттi емес, бiрақ мұндай өкiл Президент лауазымына сайланса, оның орны бос деп есептелiп, ол бiлдiрiп келген мемлекет сол орынды иеленедi. Президент мiндеттерiнiң мәнiсi: а) Кеңес, Әуе көлiгi комитетi мен Аэронавигациялық комиссияотырыстарын шақыру; b) Кеңес өкiлi ретiнде әрекет жасау; с) Кеңес жүктеген жұмыстарды Кеңес атынан орындау.