Тармақ 1. Кез келген Tapaп осы Хаттамаға түзетулер ұсына алады.
Тармақ 2. Осы Хаттамаға түзетулер туралы ұсыныстар Тараптар Кеңесінде қаралады.
Тармақ 3. Осы Хаттамаға ұсынылатын кез келген түзетудің мәтіні хатшылыққа жазбаша түрде ұсынылады, ол оны қабылдау ұсынылатын кеңес басталғанға дейін тоқсан күннен кешіктірмей барлық Тараптың назарына жеткізеді.
Тармақ 4. Осы Хаттамаға түзету кеңеске қатысушы Тараптар өкілдерінің консенсусымен қабылданады. Қабылданған түзетуді хатшылық Депозитарийге жолдайды, ол оны қабылдау үшін барлық Тарап арасында таратады. Түзету оны қабылдаған Тараптар үшін осы түзетуді қабылдау туралы өз құжаттарын осы Тараптардың үштен екісі Депозитарийге сақтауға тапсырған күннен кейін тоқсаныншы күні күшіне енеді. Түзету кез келген басқа Тарап үшін осы Тарап түзетуді қабылдау туралы өз құжатын сақтауға тапсырған күннен кейінгі тоқсаныншы күні күшіне енеді.