Тармақ 1. Осы Хаттама оған қол қойған мемлекеттер мен өңірлік экономикалық интеграция ұйымдарының ратификациялауына, қабылдауына немесе бекітуіне жатады.
Тармақ 2. Осы Хаттама 21-бапта көрсетілген мемлекеттер мен ұйымдарға қосылу үшін ашық.
Тармақ 3. 21-байта көрсетілген, осы ұйымға мүше мемлекеттердің ешқайсысы Тарап болып табылмаған кезде Тарап болатын кез келген ұйым осы Хаттамада көзделген барлық міндеттемемен байланысты болады. Осындай ұйымдардың бір немесе бірнеше мүше мемлекеті Тараптар болып табылатын кезде осындай ұйымдар жағдайында осы ұйым және оған мүше мемлекеттер осы Хаттама бойынша өз міндеттемелерін орындау жөніндегі тиісті міндеттемелерге қатысты шешім қабылдайды. Мұндай жағдайларда осы ұйым мен мүше мемлекеттер осы Хаттамада көзделген құқықтарды бір мезгілде пайдалана алмайды.
Тармақ 4. 21-бапта көрсетілген өңірлік экономикалық интеграция ұйымдары өздерінің ратификациялау, қабылдау, бекіту немесе қосылу туралы құжаттарында осы Хаттамада реттелетін мәселелерге қатысты өз құзыретінің шектері туралы мәлімдейді. Бұл ұйымдар Депозитарийді өз құзыреті шегінің кез келген елеулі өзгерісі туралы да хабардар етеді.
Тармақ 5. Ратификациялау, қабылдау, бекіту немесе қосылу туралы құжаттар Біріккен Ұлттар Ұйымының Бас хатшысына сақтауға тапсырылады.