Бап 2-1 — Республикалық бюджетті қалыптастыру "Бюджет жүйесі туралы" Қазақстан Республикасының Заңына сәйкес жүзеге асырылады. 3-1-бап. Республикалық бюджеттің кірістері "Бюджет жүйесі туралы" Қазақстан Республикасының Заңына сәйкес, сондай-ақ мынадай салыққа жатпайтын түсімдер есебінен қалыптасады деп белгіленсін: тәркіленген, иесіз мүліктерді, мұрагерлік құқығы бойынша мемлекетке өткен мүлікті, көмбелерді, қымбат металдар мен шетел валютасы түріндегі олжаларды сатудан алынатын түсімдер; орталық атқарушы органдар қабылдаған шешімдер негізінде мемлекеттік мекемелердің мүлкін сатудан алынатын түсімдер; Қазақстан Республикасының азаматтарына төлқұжаттар мен жеке куәліктер берілгені үшін алынатын ақы; мүлікті өз еркімен беруден немесе заңсыз алынған мүлікті немесе мемлекеттік міндеттерді атқаруға уәкілдік берілген адамдарға немесе оларға теңестірілген адамдарға заңсыз көрсетілген қызметтердің құнын өндіріп алудан алынатын сомалар түсімдері; табиғат қорғау заңдарын бұзғаны үшін айыппұлдар (50 % мөлшерінде); өнімдерді лицензиясыз әкеткені үшін айыппұл сомаларының түсімдері; басқа да айыппұлдар мен санкциялар; заң актілерімен көзделген басқа да салыққа жатпайтын түсімдер. ЕСКЕРТУ. 3-баптың 3-ші абзацы алынып тасталды - Қазақстан Республикасының 1999.06.28. N 406 Заңымен. 4-1-бап. Жергілікті бюджеттердің кірістері "Бюджет жүйесі туралы" Қазақстан Республикасының Заңына сәйкес, сондай-ақ мынадай салыққа жатпайтын түсімдер есебінен қалыптасады деп белгіленсін: мұрагерлік құқығы бойынша әкімшілік-аумақтық бөлініске өткен мүлікті, көмбелерді, ұлттық валютадағы олжаларды сатудан алынатын түсімдер; әкімшілік қамауға алынған адамдар орындайтын жұмыстар мен қызмет көрсетулер үшін ұйымдардан түсетін түсімдер; медициналық айықтырғыштарға жатқызылған адамдардың төлеген ақысынан түсетін түсімдер; табиғат қорғау заңдарын бұзғаны үшін айыппұлдар (50 % мөлшерінде); қылмыстық-атқару инспекциясының қызметінен алынатын кірістер; қаруды тіркегені үшін ақы; өзге де төлемдер мен коммерциялық емес және ілеспе сатудан түсетін кірістер; стандарттардың талаптарына және сертификаттау ережелеріне сәйкес келмейтін өнімдерді, жұмыстар мен қызмет көрсетулерді сатудан алынған кіріс сомасының түсімдері; басқа да санкциялар мен айыппұлдар; заң актілерімен көзделген басқа да салыққа жатпайтын түсімдер. 5-1-бап. 1998 жылғы 31 желтоқсандағы жағдай бойынша 10 000 000 мың теңгеге дейін мөлшерде пайда болған республикалық бюджеттен қаржыландырылып келген бұрынғы бюджеттік ұйымдардың, таратылған Жол қорының тауарларды (жұмыстарды, қызмет көрсетулерді) жеткізіп берушілер алдындағы кредиторлық берешегін, сондай-ақ жалақы мен әлеуметтік жәрдемақы төлеуге пайдаланылған және жергілікті өкілді органдар бекіткен екінші деңгейдегі банктер алдындағы несиелер бойынша кредиторлық берешегін өтеу шаруашылық жүргізуші субъектілердің республикалық бюджетке төленетін төлемдер бойынша есеп айырысуды жүргізу кезінде қалыптасқан берешегін, бірақ 1998 жылғы 31 желтоқсандағы жағдай бойынша пайда болған берешегінің сомасынан аспайтын берешегін өтеу есебінен көзделсін. Қазақстан Республикасының Үкіметі аталған кредиторлық берешекті өтеу тәртібін әзірлесін. ЕСКЕРТУ. 5-1-бап өзгерді - Қазақстан Республикасының 1999.10.04. N 468 Заңымен. 6-1-бап. Орта білім беретін мемлекеттік мекемелер, бөбектер үйлері, балалар үйлері, қарттарға және мүгедектерге арналған жалпы үлгідегі интернат-үйлер, мүгедек жас балаларға арналған интернат-үйлер және психоневрологиялық интернат-үйлер, санитариялық-эпидемиологиялық мекемелер, мемлекеттік табиғи қорықтар, мемлекеттік ұлттық табиғат парктері ұсынатын тауарларды және қызметтерді сатудан алынатын түсімдерді олар Қазақстан Республикасының Қаржы министрлігі айқындайтын тәртіппен пайдаланады деп белгіленсін. 8-бап. 9-бап. ЕСКЕРТУ. 8, 9-баптардың күші жойылды - Қазақстан Республикасының 1999.07.16. N 440 Заңымен. 10-бап. "Жер қойнауын пайдаланушылардың жұмысын келісім-шарт негізіне көшіруді жеделдету жөніндегі шаралар туралы" Қазақстан Республикасы Үкіметінің 1998 жылғы 24 ақпандағы N 135 қаулысының негізінде бұрын Жер қойнауын қорғаудың және минералдық шикізат базасын өркендетудің республикалық қорына төлемдер жасап келген жер қойнауын пайдаланушылар, сондай-ақ "Мұнай, газ және көмір үшін бекітілген (ренталық) төлемдер туралы" Қазақстан Республикасы Министрлер Кабинетінің 1995 жылғы 1 маусымдағы N 764 қаулысы негізінде бекітілген (ренталық) төлемдер жасап келген кәсіпорындар жер қойнауын пайдалануға арналған келісім-шарттар жасалғанға дейін, жоғарыда аталған қаулыларда белгіленген мөлшерде және шарттармен, республикалық бюджет кірісіне роялтилердің есебіне жоғарыда көрсетілген аударымдарды жасайды. Бұдан бұрын бекітілген (ренталық) төлемдер төленіп келген кен орындары пайдалануға немесе иеленуге алынған жағдайда заңды және жеке тұлғалар жер қойнауын пайдалануға арналған келісім-шарт жасалғанға дейін оларды осы баптың бірінші бөлігінде белгіленген тәртіппен одан әрі төлей береді. 11-бап. Жер қойнауын пайдаланушылар Жер қойнауын қорғау және миниралдық шикізат базасын молықтыру қоры бойынша берешекті, сондай-ақ осы кен орындарын жер қойнауын пайдалануға арналған келісім-шарттың негізінде пайдаланушылар өтейтін, нақты аумақтарды геологиялық зерттеу үшін мемлекет жұмсаған тарихи шығындардың сомасын роялтилердің есебіне жатқызуға тиіс деп белгіленсін. 12-бап. Төлеушілер өткен кезеңдер үшін Зейнетақы қорына Зейнетақы төлеу жөніндегі мемлекеттік орталыққа, Міндетті медициналық сақтандыру қорына, Әлеуметтік сақтандыру қорына, Жұмыспен қамтуға жәрдемдесу қорына төленетін жарналар жөніндегі берешекті, сондай-ақ автомобиль жолдарын пайдаланушылардың аударымдарын (бұрын Жол қорына түсіп келген) әлеуметтік салықтың есебіне аударуға тиіс деп белгіленсін. Бұрын Жол қорына түсіп келген бензин мен дизель отынынан алынатын алымдар бойынша берешек бензинге және дизель отынына акциздердің түсімі ретінде есептеледі. 12-1-бап. 1998 жылғы 31 желтоқсандағы жағдай бойынша жұмыс берушілердің Мемлекеттік әлеуметтік сақтандыру қорынан төленетін еңбекке уақытша жарамсыздық, жүктілігі және босануы бойынша бала туылған кездегі, жерлеуге аударған жәрдемақылары сомасының, аталған қорға аударымдарының есептелген сомасынан асып түсуі нәтижесінде пайда болған теріс сальдо ай сайын еңбекке ақы төлеу қорының 1,5 %-і шегінде әлеуметтік салық төлеу шотына есептеледі деп белгіленсін. ЕСКЕРТУ. 12-1-баппен толықтырылды - Қазақстан Республикасының