Осы Келісімнің тақырыбы әрі қарай Полигон деп аталатын Сары-Шаған полигоны мен Приозерск қаласы болып табылады. Қазақстан Республикасының Ресей Федерациясына Тараптардың қауіпсіздігін қамтамасыз ету мақсатында, ғылымы, экономикасын дамыту мүдделері үшін уақытша Полигонның объектілері мен Приозерск қаласының жылжымалы және тұрақты мүлкін беруі жалға беру шартымен жүзеге асырылады. Полигонның және Приозерск қаласының жалға беру жағдайымен берілетін объектілері мен жылжымалы және тұрақты мүлкінің тізбесі мен құрамы, жалға беру ұзақтығы, жалға беру ақысының мөлшері мен оны енгізу мерзімі, осы Келісімге қол қойылғаннан кейін үш ай мерзім ішінде жасалатын жалға берудің жеке Шартымен анықталады. Полигон Жезқазған, Жамбыл, Ақтөбе, Қызылорда облыстары аумақтарында орналасқан. Полигонның жер учаскелерінің шекараларын анықтайтын нүкте координаталарының тізбесі осы Келісімнің ажырамас бөлігі болып табылатын қосымшада келтірілген.