Тармақ 1. Қазақстан Республикасы 1991 жылғы 31 тамыздағы жағдайға сәйкес Ресей Федерациясына жалға беру жағдайымен, келісілген түгендеу ведомствосы бойынша Полигонның объектілері мен Приозерск қаласының жер учаскелері, жылжымалы және тұрақты мүлкін береді. Тараптар осы Келісімге қол қойылған күннен кейін аталған мүлікті жалға беру шартын дайындау үшін бірлескен комиссия құрады. Бірлескен комиссия жалға беру шартында жыл сайынғы жалға беру ақысының мөлшерін, сондай-ақ 1992-1994 жылдары Ресей Федерациясының Полигонды және Приозерск қаласын пайдалануына байланысты Қазақстан Республикасының әрбір жылға жылдық жалға беру ақысы деңгейінде мүліктік шығын және шығындар мөлшерін бағалайды. Екі мемлекеттің Үкіметтері ақы беру механизмін жалға беру шартына сәйкес анықтайды. Осы мақсаттарда Тараптар бірлескен Комиссияға аталған жұмыстарды жүзеге асыру үшін қажетті құжаттарды береді. 2. Қазақстан Республикасы жалға беру жағдайымен уақытша пайдалануға Ресей Федерациясына берілетін Полигон және Приозерск қаласы объектілерінің жер учаскелерін пайдалану құқығын береді. Ресей Федерациясы өз мүддесінде пайдаланатын Полигонның жерлері үшін (тұрақты немесе мезгілді) ақы төлейді.