Бап 1 — 2007 жылға арналған республикалық бюджет 1-қосымшаға сәйкес мынадай көлемдерде бекiтiлсiн:
Бап 2 — 2007 жылға арналған республикалық бюджетте мынадай түсiмдер көзделсiн: "Байқоңыр" кешенiн Ресей Федерациясының пайдаланғаны үшiн 14 099 000 мың теңге сомасында жалдау ақысы; әскери полигондарды Ресей Федерациясының пайдаланғаны үшiн республикалық бюджеттiң кiрiстерiнде көрсетiлетiн 3 038 764 мың теңге сомасында жалдау ақысы. N 1
Бап 3 — Қазақстан Республикасының Ұлттық қорына жiберiлетiн 2007 жылға арналған бюджетке түсетiн түсiмдердiң көлемi 2-қосымшаға сәйкес бекiтiлсiн
Бап 5 — Тиiстi бюджеттiң кiрiсiне мыналар есептелетiн болып белгiленсiн: бiрыңғай бюджеттiк сыныптаудың кiрiстер сыныптамасының "Роялти" коды бойынша - жер қойнауын пайдаланушылардың Республикалық жер қойнауын қорғау және минералдық-шикiзат базасын ұдайы молықтыру қоры алдындағы берешегi, сондай-ақ келiсiмшарттық аумақтарды геологиялық зерттеуден мемлекет шеккен, жер қойнауын пайдалануға арналған келiсiмшарттардың негiзiнде осы кен орындарын пайдаланатын жер қойнауын пайдаланушылар өтейтiн тарихи шығындар сомасы; бiрыңғай бюджеттiк сыныптаудың кiрiстер сыныптамасының "Әлеуметтiк салық" коды бойынша - бұрын Зейнетақы қорына, Зейнетақы төлеу жөнiндегi мемлекеттiк орталыққа, Мiндеттi медициналық сақтандыру қорына, Мемлекеттiк әлеуметтiк сақтандыру қорына, Жұмыспен қамтуға жәрдемдесу қорына аударылып келген жарналар бойынша берешек, сондай-ақ автомобиль жолдарын пайдаланушылардың бұрын Жол қорына түсiп келген аударымдары; "Өндiрушiлер көтерме саудада сататын өзi өндiретiн бензин (авиациялық бензиндi қоспағанда)" коды бойынша - бұрын Жол қорына түсiп келген, бензиннен алынатын алым бойынша берешек; "Өндiрушiлер көтерме саудада сататын өзi өндiретiн дизель отыны" коды бойынша - бұрын Жол қорына түсiп келген, дизель отынынан алынатын алым бойынша берешек
Бап 6 — Жұмыс берушiлер еңбекке уақытша жарамсыздығы, жүктiлiгi мен босануы бойынша, бала туған кезде, жерлеуге есептеген, Мемлекеттiк әлеуметтiк сақтандыру қорынан төленiп келген жәрдемақы сомаларының аталған қорға аударымдардың есептелген сомаларынан асып түсуi нәтижесiнде 1998 жылғы 31 желтоқсандағы жағдай бойынша құралған терiс сальдо ай сайын жалақы қорының 3 процентi шегiнде әлеуметтiк салық төлеу есебiне жатқызылады
Бап 7 — 2007 жылға арналған республикалық бюджетте облыстық бюджеттерден, Астана және Алматы қалаларының бюджеттерiнен республикалық бюджетке бюджеттiк алулардың көлемдерi 151 498 867 мың теңге сомасында көзделсiн, оның iшiнде: Ақтөбе облысының бюджетiнен - 1 079 129 мың теңге; Атырау облысының бюджетiнен - 43 061 767 мың теңге; Маңғыстау облысының бюджетiнен - 24 436 744 мың теңге; Алматы қаласының бюджетiнен - 72 310 353 мың теңге; Астана қаласының бюджетiнен - 10 610 874 мың теңге
Бап 8 — 2007 жылға арналған республикалық бюджетте Қазақстан Республикасының Ұлттық Қорынан кепiлдiк берiлген трансферттiң мөлшерi 301 715 681 мың теңге сомасында көзделсiн
Бап 10 — 2007 жылғы 1 қаңтардан бастап әскери қызметшiлерге (мерзiмдi қызметтегi әскери қызметшiлерден басқа), iшкi iстер органдарының қызметкерлерiне, сондай-ақ өртке қарсы қызмет органдарының, Қазақстан Республикасы Әдiлет министрлiгiнiң қылмыстық-атқару жүйесi органдары мен мекемелерiнiң, қаржы полициясы органдарының жедел-iздестiру, тергеу және саптық бөлiмшелерiнiң қызметкерлерiне тұрғын үйдi ұстау және коммуналдық қызметтер көрсету шығыстарын төлеу үшiн ақшалай өтемақының айлық мөлшерi 3 430 теңге сомасында белгiленсiн
Бап 11 — 2007 жылға арналған республикалық бюджетте әскери қызметшiлерге 1997-1998 жылдардың сыйлықақы төлемдерiн төлеуге 29 972 мың теңге сомасында қаражат көзделгенi ескерiлсiн, оның iшiнде: Қазақстан Республикасының Iшкi iстер министрлiгiне - 16 193 мың теңге; Қазақстан Республикасының Қорғаныс министрлiгiне - 10 030 мың теңге; Қазақстан Республикасының Бас прокуратурасына - 3 114 мың теңге; Қазақстан Республикасының Республикалық ұланына - 635 мың теңге. Әскери қызметшiлерге сыйлықақы төлемдерiн төлеу олардың көрсетiлген кезеңде әскери қызметтен өткен жерi бойынша Қазақстан Республикасының Үкiметi айқындайтын тәртiппен жүргiзiледi деп белгiленсiн. N 1
Бап 12 — 2007 жылға арналған республикалық бюджетте 1995 жылғы 20 қаңтардағы Қазақстан Республикасы мен Ресей Федерациясы арасындағы Сарышаған сынақ полигонын пайдалану мен жалға беру және Приозерск қаласының тыныс-тiршiлiгiн қамтамасыз ету шарттары туралы келiсiмге сәйкес Қарағанды облысы Приозерск қаласының инфрақұрылымын қолдауға 100 000 мың теңге сомасында ағымдағы нысаналы трансферттер көзделсiн
Бап 13 — 2007 жылға арналған республикалық бюджетте республикалық бюджеттен облыстық бюджеттерге берiлетiн субвенциялар көлемдерi 192 790 980 мың теңге сомасында көзделсiн, оның iшiнде: Ақмола облысының бюджетiне - 19 616 640 мың теңге; Алматы облысының бюджетiне - 22 186 299 мың теңге; Шығыс Қазақстан облысының бюджетiне - 22 189 261 мың теңге; Жамбыл облысының бюджетiне - 21 326 306 мың теңге; Батыс Қазақстан облысының бюджетiне - 11 173 159 мың теңге; Қарағанды облысының бюджетiне - 7 677 669 мың теңге; Қостанай облысының бюджетiне - 13 414 504 мың теңге; Қызылорда облысының бюджетiне - 14 811 753 мың теңге; Павлодар облысының бюджетiне - 3 810 519 мың теңге; Солтүстiк Қазақстан облысының бюджетiне - 16 545 651 мың теңге; Оңтүстiк Қазақстан облысының бюджетiне - 40 039 219 мың теңге
Бап 14 — 2007 жылға арналған республикалық бюджетте облыстық бюджеттерге, Астана және Алматы қалаларының бюджеттерiне мынадай мөлшерлерде ағымдағы нысаналы трансферттер көзделгенi ескерiлсiн: жергiлiктi атқарушы органдардың мемлекеттiк тапсырысы негiзiнде кәсiптiк орта оқу орындарында оқитын студенттерге стипендиялар төлеуге - 1 644 982 мың теңге; жергiлiктi атқарушы органдардың мемлекеттiк тапсырысы негiзiнде кәсiптiк орта оқу орындарында оқитындар үшiн жол жүруге өтемақылар төлеуге - 253 586 мың теңге; жаңадан iске қосылатын денсаулық сақтау объектiлерiн ұстауға - 713 722 мың теңге; дәрiлiк заттарды, вакциналарды және басқа да иммунобиологиялық препараттарды сатып алуға - 7 491 011 мың теңге; Қазақстан Республикасында ЖҚТБ-ның алдын алу және оған қарсы күрес жөнiндегi iс-шараларды iске асыруға - 250 600 мың теңге; табысы аз отбасылардағы 18 жасқа дейiнгi балаларға мемлекеттiк жәрдемақыларды 4-қосымшаға сәйкес төлеуге - 3 816 000 мың теңге; мұқтаж мүгедектерді міндетті гигиеналық құралдармен қамтамасыз етуге және мүгедектi оңалтудың жеке бағдарламасына сәйкес ымдау тiлi мамандарының, жеке көмекшiлердiң қызметтер көрсетуiне - 600 852 мың теңге; қалалық телекоммуникация желiлерiнiң абоненттерi болып табылатын, әлеуметтiк жағынан қорғалатын азаматтарға телефон үшiн абоненттiк төлем тарифтерiнiң көтерiлуiн өтеуге - 29 673 мың теңге; ауыз сумен жабдықтаудың баламасыз көзi болып табылатын сумен жабдықтаудың аса маңызды топтық жүйелерiнен ауыз су беру бойынша көрсетiлетiн қызметтердiң құнын субсидиялауға - 1 122 233 мың теңге; көшi-қон полициясының 2006 жылы бөлiнген қосымша штат санын ұстауға - 277 506 мың теңге; мемлекеттік жалпы орта білім беру жүйесіне интерактивтік оқыту жүйесін енгізуге - 1 024 543 мың теңге. Жергiлiктi бюджеттерде мемлекеттiк атаулы әлеуметтiк көмектi төлеуге көзделiп келген қаражат есебiнен табысы аз отбасылардағы 18 жасқа дейiнгi балаларға мемлекеттiк жәрдемақылар төлеуге 4-қосымшаға сәйкес кемiнде 2 916 400 мың теңге сомасында шығыстар көзделуге тиiс екендiгi ескерiлсiн. Аталған сомаларды облыстық бюджеттерге, Астана және Алматы қалаларының бюджеттерiне бөлу және оларды пайдалану тәртiбi Қазақстан Республикасы Үкiметiнiң шешiмi негiзiнде айқындалады. N 273
Бап 15 — 2007 жылға арналған республикалық бюджетте Семей ядролық сынақ полигонындағы ядролық сынақтардың салдарынан зардап шеккен, радиациялық қауiптi аймақтарда және жеңiлдiктi әлеуметтiк-экономикалық мәртебесi бар аумақта тұрып жатқан және 1949-1990 жылдар аралығында тұрған зейнеткерлер мен мемлекеттiк әлеуметтiк жәрдемақылар алушыларға, сондай-ақ жұмыс iстейтiн және жұмыс iстемейтiн халыққа бiржолғы мемлекеттiк ақшалай өтемақы төлеуге 4 682 512 мың теңге сомасында қаражат көзделсiн. Аталған қаражат Қазақстан Республикасының Үкiметi айқындайтын тәртiппен бөлiнедi деп белгiленсiн. N 273
Бап 16 — 2007 жылға арналған республикалық бюджетте облыстық бюджеттерге, Астана және Алматы қалаларының бюджеттерiне ауыл шаруашылығын дамытуға бағытталған субсидияларға 19 988 355 мың теңге сомасында ағымдағы нысаналы трансферттер көзделгенi ескерiлсiн, оның iшiнде: тұқым шаруашылығын дамытуды қолдауға - 996 253 мың теңге; асыл тұқымды мал шаруашылығын дамытуға - 2 004 648 мың теңге; өсiмдiк шаруашылығы өнiмiнiң шығымдылығы мен сапасын арттыруға, көктемгi егіс және егiн жинау жұмыстарын жүргiзуге қажеттi жанар-жағар материалдар мен басқа да тауарлық-материалдық құндылықтардың құнын арзандатуға, Қазақстан Республикасының Үкiметi айқындайтын басымдықты дақылдар бойынша - 12 805 000 мың теңге; ауыл шаруашылық тауар өндiрушiлерге су жеткiзу бойынша көрсетiлетiн қызметтердiң құнын субсидиялауға - 731 166 мың теңге; жемiс дақылдарының және жүзiмнiң көп жылдық екпелерiн отырғызуды және өсiрудi қамтамасыз етуге - 800 002 мың теңге; мал шаруашылығы өнiмiнiң өнiмдiлiгiн және сапасын арттыруды субсидиялауға - 2 539 656 мың теңге; қазақстандық талшықты мақтаның сапасын сараптауға - 111 630 мың теңге. Аталған сомаларды облыстық бюджеттерге, Астана және Алматы қалаларының бюджеттерiне бөлу және оларды пайдалану тәртiбi Қазақстан Республикасы Үкiметiнiң шешiмi негiзiнде айқындалады. N 1
Бап 17 — 2007 жылға арналған республикалық бюджетте облыстық бюджеттерге, Астана және Алматы қалаларының бюджеттерiне мемлекеттiк қызметшiлерге, мемлекеттiк мекемелердiң мемлекеттiк қызметшiлер болып табылмайтын қызметкерлерiне және қазыналық кәсiпорындар қызметкерлерiне жалақы төлеуге 89 469 724 мың теңге сомасында ағымдағы нысаналы трансферттер көзделсiн, оның iшiнде: Ақмола облысының бюджетiне - 4 553 881 мың теңге; Ақтөбе облысының бюджетiне - 4 490 992 мың теңге; Алматы облысының бюджетiне - 6 215 893 мың теңге; Атырау облысының бюджетiне - 3 420 551 мың теңге; Шығыс Қазақстан облысының бюджетiне - 7 338 533 мың теңге; Жамбыл облысының бюджетiне - 5 735 978 мың теңге; Батыс Қазақстан облысының бюджетiне - 4 178 255 мың теңге; Қарағанды облысының облысының бюджетiне - 7 975 494 мың теңге; Қостанай облысының бюджетiне - 5 204 640 мың теңге; Қызылорда облысының бюджетiне - 6 922 919 мың теңге; Маңғыстау облысының бюджетiне - 2 831 552 мың теңге; Павлодар облысының бюджетiне - 4 476 595 мың теңге; Солтүстiк Қазақстан облысының бюджетiне - 4 363 444 мың теңге; Оңтүстiк Қазақстан облысының бюджетiне - 13 090 070 мың теңге; Алматы қаласының бюджетiне - 5 566 789 мың теңге; Астана қаласының бюджетiне - 3 104 138 мың теңге
Бап 18 — 2007 жылға арналған республикалық бюджетте облыстық бюджеттерге, Астана және Алматы қалаларының бюджеттерiне 2007 жылғы 1 қаңтардан бастап барлық жеке тұлғалар үшiн жеке табыс салығының 10 процент тiркелген ставкасын енгiзуге, салық салу кезiнде айлық есептiк көрсеткiштiң орнына жалақының ең төменгi мөлшерiн табыстан алып тастауға және жергілікті бюджетке түсетін ойын бизнесіне арналған акциздің жойылуына байланысты бюджетке түсетiн түсiмдердiң шығасыларын өтеуге 29 666 165 мың теңге сомасында ағымдағы нысаналы трансферттер көзделсiн. Аталған соманы облыстық бюджеттерге, Астана және Алматы қалаларының бюджеттерiне бөлу Қазақстан Республикасы Үкiметiнiң шешiмi негiзiнде айқындалады. N 273
Бап 19 — 2007 жылға арналған республикалық бюджетте облыстық бюджеттерге, Астана және Алматы қалаларының бюджеттерiне Қазақстан Республикасында бiлiм берудi дамытудың 2005-2010 жылдарға арналған мемлекеттiк бағдарламасын iске асыруға 21 988 470 мың теңге сомасында ағымдағы нысаналы трансферттер көзделгенi ескерiлсiн, оның iшiнде: жалпы орта бiлiм беретiн мемлекеттiк мекемелердiң физика, химия, биология кабинеттерiн оқу жабдықтарымен жарақтандыруға - 2 457 650 мың теңге; арнаулы (түзету) бiлiм беру ұйымдарын арнайы техникалық және орнын толтырушы құралдармен қамтамасыз етуге - 124 031 мың теңге; жалпы орта бiлiм беретiн мемлекеттiк мекемелердiң үлгiлiк штаттарын ұстауды қамтамасыз етуге - 9 870 715 мың теңге; жаңадан iске қосылатын бiлiм беру объектiлерiн ұстауға - 5 209 021 мың теңге; балаларды тестiлеу пункттерiне жеткiзудi, онда тамақтандыруды және онда тұруын ұйымдастыруға - 108 228 мың теңге; жалпы орта бiлiм беретiн мемлекеттiк мекемелердi Интернетке қосуға және трафиктiң ақысын төлеуге - 500 012 мың теңге; жалпы орта бiлiм беретiн мемлекеттiк мекемелердiң кiтапхана қорларын жаңарту үшiн оқулықтар мен оқу-әдiстемелiк кешендер сатып алуға және жеткiзуге - 895 513 мың теңге; жалпы орта бiлiм беретiн мемлекеттiк мекемелерде лингафондық және мультимедиялық кабинеттер құруға - 1 958 760 мың теңге; кәсiптiк бастауыш бiлiм беретiн мемлекеттiк мекемелердiң материалдық-техникалық базасын нығайтуға - 286 100 мың теңге; облыстық (қалалық) педагогика кадрларының бiлiктiлiгiн арттыру институттарында педагогика қызметкерлерiн қайта даярлауға және олардың бiлiктiлiгiн арттыруға - 503 440 мың теңге; облыстық (қалалық) педагогика кадрларының бiлiктiлiгiн арттыру институттарының материалдық-техникалық базасын нығайтуға - 75 000 мың теңге. Аталған ағымдағы нысаналы трансферттердi бөлудi және оларды пайдалану тәртiбiн Қазақстан Республикасының Үкiметi айқындайды
Бап 20 — 2007 жылға арналған республикалық бюджетте облыстық бюджеттерге, Астана және Алматы қалаларының бюджеттерiне Қазақстан Республикасының денсаулық сақтау iсiн реформалау мен дамытудың 2005-2010 жылдарға арналған мемлекеттiк бағдарламасын iске асыруға 31 449 132 мың теңге сомасында ағымдағы нысаналы трансферттер көзделгенi ескерiлсiн, оның iшiнде: мемлекеттiк тапсырыс шеңберiнде кәсiптiк орта бiлiм беру ұйымдарында оқыту және қосымша оқуға қабылдау құнының ұлғаюы жөнiндегi шығыстарды өтеуге - 114 369 мың теңге; медицина кадрларының, сондай-ақ денсаулық сақтау саласындағы менеджерлердiң бiлiктiлiгiн арттыруға және оларды қайта даярлауға - 247 114 мың теңге; созылмалы ауруларды амбулаториялық емдеу кезiнде диспансерлiк есепте тұрған балалар мен жасөспiрiмдердi дәрiлiк заттармен қамтамасыз етуге - 1 020 274 мың теңге; азаматтардың жекелеген санаттарын амбулаториялық емдеу деңгейiнде жеңiлдiктi жағдайларда дәрiлiк заттармен қамтамасыз етуге 1 580 657 мың теңге; облыстық санитарлық-эпидемиологиялық сараптама орталықтарының материалдық-техникалық базасын нығайтуға - 1 805 710 мың теңге; бастапқы медициналық-санитарлық көмектiң медициналық ұйымдарын штаттық нормативтерге сәйкес медицина кадрларымен жасақтауға және жалпы практика дәрiгерлерi жүйесiн дамытуға - 4 997 571 мың теңге; құрылатын ақпарат-талдау орталықтарының қызметiн қамтамасыз етуге - 41 447 мың теңге; шолғыншы эпидемиологиялық қадағалау жүргiзу үшiн тест-жүйелердi сатып алуға - 11 489 мың теңге; 5 жасқа дейiнгi балаларды амбулаторлық емдеу деңгейiнде дәрi-дәрмекпен қамтамасыз етуге - 596 614 мың теңге; жүктi әйелдердi құрамында темiр және йоды бар препараттармен қамтамасыз етуге - 665 733 мың теңге; азаматтардың жекелеген санаттарын профилактикалық медициналық тексерудi жүзеге асыруға - 3 848 767 мың теңге; жергiлiктi деңгейде медициналық денсаулық сақтау ұйымдарын материалдық-техникалық жарақтандыруға - 16 519 387 мың теңге. Аталған ағымдағы нысаналы трансферттердi бөлудi және оларды пайдалану тәртiбiн Қазақстан Республикасының Үкiметi айқындайды. N 273
Бап 21 — 2007 жылға арналған республикалық бюджетте облыстық бюджеттерге, Астана және Алматы қалаларының бюджеттерiне "Қазақстан Республикасының кейбiр заңнамалық актiлерiне мемлекеттiк басқару деңгейлерi арасындағы өкiлеттiктердiң аражiгiн ажырату мәселелерi бойынша өзгерiстер мен толықтырулар енгiзу туралы" Қазақстан Республикасының Заңына сәйкес сәулет және қала құрылысы қызметi, ауыл шаруашылығы және жер ресурстарын басқару мәселелерiн мемлекеттiк реттеу саласындағы жекелеген функциялар мен өкiлеттiктердi жергiлiктi атқарушы органдардың қарамағына берудi ескере отырып, 749 225 мың теңге сомасында ағымдағы нысаналы трансферттер көзделсiн, оның iшiнде: Қазақстан Республикасының Ауыл шаруашылығы министрлiгiнен 195 808 мың теңге сомасында; Қазақстан Республикасының Индустрия және сауда министрлiгiнен 108 101 мың теңге сомасында; Қазақстан Республикасының Жер ресурстарын басқару агенттiгiнен 445 316 мың теңге сомасында. Аталған сомаларды облыстық бюджеттерге, Астана және Алматы қалаларының бюджеттерiне бөлу Қазақстан Республикасы Үкiметiнiң шешiмi негiзiнде айқындалады
Бап 22 — 2007 жылға арналған республикалық бюджетте 2006-2007 жылдар кезеңінде Қазақстанның оңтүстiк өңiрлерiнiң тұтынушыларын электрмен тұрақты жабдықтауды қамтамасыз ету мақсатында Қазақстан Республикасының Үкiметi айқындайтын тәртiппен жүзеге асырылатын энергия өндiрушi ұйым үшiн отын беру жөнiндегi шығындарды өтеуге 6 945 108 мың теңге сомасында шығыстар көзделгенi ескерiлсiн. N 273 N 1
Бап 23 — 2007 жылға арналған республикалық бюджетте Алматы облысының бюджетiне және Алматы қаласының бюджетiне бiлiм беру және денсаулық сақтау объектiлерiн сейсмикалық жағынан күшейту үшiн 1 914 733 мың теңге сомасында нысаналы даму трансферттерi көзделсiн. 2007 жылы Алматы облысы мен Алматы қаласының республикалық бюджет қаражаты есебiнен сейсмикалық жағынан күшейтiлуге тиiс бiлiм беру және денсаулық сақтау объектiлерiнiң тiзбесiн Қазақстан Республикасының Үкiмeтi айқындайды. N 1
Бап 24 — 2007 жылға арналған республикалық бюджетте республикалық меншiктегi сумен жабдықтаудың инфрақұрылымдық желiлерiнiң жұмыс iстеуiне Қазақстан Республикасының Үкiметi айқындайтын тәртiппен мемлекеттiк қолдау көрсетуге 300 000 мың теңге сомасында қаражат көзделсiн
Бап 25 — 2007 жылға арналған республикалық бюджетте Қазақстан Республикасының ауылдық аумақтарын дамытудың 2004-2010 жылдарға арналған мемлекеттiк бағдарламасын iске асыру шеңберiнде ауылдың әлеуметтiк инфрақұрылымын дамытуға және нығайтуға 39 213 434 мың теңге сомасында шығындар, оның iшiнде: ауылдық (селолық) жерлердiң денсаулық сақтау iсiнде ұтқыр және телемедицинаны дамытуға - 518 050 мың теңге; мыналарға нысаналы даму трансферттерi: ауылдық (селолық) елдi мекендердi ауыз сумен жабдықтау объектiлерiн салуға және реконструкциялауға - 10 340 810 мың теңге; ауылдық (селолық) жерлердiң бiлiм беру объектiлерiн салуға және реконструкциялауға - 16 919 199 мың теңге; ауылдық (селолық) жерлердiң денсаулық сақтау объектiлерiн салуға және реконструкциялауға - 11 435 375 мың теңге көзделсiн. Аталған нысаналы даму трансферттерi қаражатының есебiнен 2007 жылы салынуға және реконструкциялануға тиiс ауылдық (селолық) жерлердiң бiлiм беру, денсаулық сақтау және ауыз сумен жабдықтау объектiлерiнiң тiзбесiн Қазақстан Республикасының Үкiметi айқындайды. N 273 N 1
Бап 26 — 2007 жылға арналған республикалық бюджетте облыстық бюджеттерге, Алматы қаласының бюджетiне қалаларда бiлiм беру мен денсаулық сақтаудың аса маңызды объектiлерiн салуға 19 556 939 мың теңге сомасында нысаналы даму трансферттерi көзделсiн. 2007 жылғы республикалық бюджет қаражаты есебiнен салынуға және реконструкциялануға тиiс қалалардағы бiлiм беру мен денсаулық сақтаудың аса маңызды объектiлерiнiң тiзбесiн Қазақстан Республикасының Үкiметi айқындайды. N 273 N 1
Бап 26-1 — 2007 жылға арналған республикалық бюджетте мемлекеттік-жеке әріптестік негізінде білім беру объектілерін салу үшін аванстық төлем төлеуге 12 467 398 мың теңге сомасында қаражат көзделсін. Мемлекеттік-жеке әріптестік негізінде салынып жатқан білім беру объектілерінің тізбесін және олар бойынша сомаларды бөлуді Қазақстан Республикасының Үкіметі айқындайды. N 273
Бап 27 — Қазақстан Республикасы Ауыл шаруашылығы министрлiгiнiң агроөнеркәсiптiк кешендi дамытуды мемлекеттiк қолдауға арналған шығыстарының құрамында 1 569 080 мың теңге, оның iшiнде Қазақстан Республикасы Үкiметiнiң шешiмдерiмен айқындалатын тәртiппен мыналарға байланысты iс-шараларды қаржыландыруға: ауыл шаруашылығы техникасының қаржы лизингi бойынша сыйақы (мүдде) ставкасын өтеуге - 158 194 мың теңге; ауыл шаруашылығы өнiмдерiн қайта өңдеу кәсiпорындарына арналған жабдықтардың қаржы лизингi бойынша сыйақы (мүдде) ставкасын өтеуге - 10 886 мың теңге; өсiмдiк шаруашылығындағы сақтандыруды қолдауға - 300 000 мың теңге; ауыл шаруашылығы өнiмдерiн қайта өңдеу кәсiпорындарына олардың айналым қаражатын толықтыруға екiншi деңгейдегi банктер беретiн кредиттер бойынша сыйақы (мүдде) ставкасын субсидиялауға - 1 000 000 мың теңге; ауыл шаруашылығы өнiмдерi өндiрiсiн басқару жүйелерiн дамытуды субсидиялауға - 100 000 мың теңге көзделсiн
Бап 28 — 2007 жылға арналған республикалық бюджетте Шығыс Қазақстан облысының облыстық бюджетiне "Шығыс Қазақстан облысының Семей қаласында Ертiс өзенi арқылы көпiр салу" жобасы бойынша қосылған құн салығының орнын толтыру үшiн 752 201 мың теңге сомасында нысаналы даму трансферттерi көзделсiн. Қосылған құн салығының орнын толтыру қосылған құн салығының төленуi жөнiндегi растайтын құжаттар ұсыну фактiсi бойынша жүргiзiледi
Бап 29 — Қазақстан Республикасы Үкiметiнiң 2007 жылға арналған резервi 20 237 035 мың теңге сомасында бекiтiлсiн. N 273 N 1
Бап 30 — 2007 жылға арналған республикалық бюджетте облыстық бюджеттерге, Астана және Алматы қалаларының бюджеттерiне Қазақстан Республикасында тұрғын үй құрылысын дамытудың 2005-2007 жылдарға арналған мемлекеттiк бағдарламасын iске асыруға инженерлiк-коммуникациялық инфрақұрылымды дамытуға және жайластыруға 30 500 000 мың теңге сомасында нысаналы даму трансферттерi көзделсiн. Аталған нысаналы даму трансферттерiн бөлудi және оларды пайдалану тәртiбiн Қазақстан Республикасының Үкiметi айқындайды. N 273
Бап 31 — 2007 жылға арналған республикалық бюджетте облыстық бюджеттерге, Астана және Алматы қалаларының бюджеттерiне Қазақстан Республикасында тұрғын үй құрылысын дамытудың 2005-2007 жылдарға арналған мемлекеттiк бағдарламасын iске асыру шеңберiнде Қазақстан Республикасының Үкiметi айқындайтын тәртiппен сыйақының (мүдденiң) нөлдiк ставкасы бойынша тұрғын үй салуға кредит беруге 23 800 000 мың теңге көзделсiн. N 273
Бап 32 — 2007 жылға арналған республикалық бюджетте тұрғын үй құрылысы жинақ ақшаларына салымдар бойынша мемлекеттiң сыйлықақыларын төлеуге 346 700 мың теңге сомасында қаражат көзделсiн
Бап 33 — 2007 жылға арналған республикалық бюджетте "Тұрғынүйқұрылысбанкi" жабық акционерлiк қоғамы арқылы алынған жеңiлдiктi тұрғын үй кредиттерi қарыз алушыларының 2006 жылғы төлемдерi бойынша бағамдық айырманы төлеуге 54 933 мың теңге көзделсiн. N 273
Бап 34 — Қазақстан Республикасы Төтенше жағдайлар министрлiгiнiң мемлекеттiк материалдық резервтi қалыптастыруға және сақтауға арналған шығындарының құрамында жаңалау тәртiбiмен шығарылған материалдық құндылықтарды өткiзуден түскен соманы республикалық бюджеттiң кiрiстерiнде көрсете отырып, мемлекеттiк материалдық резервтiң материалдық құндылықтарын жаңалауға 1 858 872 мың теңге сомасында қаражат көзделгенi ескерiлсiн
Бап 35 — 2007 жылға арналған республикалық бюджетте: концессияға берiлуi мүмкiн объектiлер бойынша ұсыныстарды сараптауға - 50 699 мың теңге; концессиялық жобаларды бағалауға және сараптауға - 472 597 мың теңге сомасында қаражат көзделсiн. Аталған сомаларды бөлу және пайдалану тәртiбi Қазақстан Республикасының Үкiметi шешiмiнiң негiзiнде айқындалады. N 273 N 1
Бап 36 — Қазақстан Республикасының заңнамасына сәйкес 2007 жылғы 1 қаңтардағы жағдай бойынша таратылған заңды тұлғаларға Қазақстан Республикасы Yкiметiнiң мемлекеттiк кепiлдiктер бойынша мiндеттемелердi орындауға бөлiнген кредиттер мен қаражат бойынша талаптары, Қазақстан Республикасының Yкiметi айқындайтын заңды тұлғалардың тiзбесi мен берешек көлемдерi бойынша 2007 жылғы 1 қаңтардан бастап тоқтатылады деп белгiленсiн
Бап 36-1 — Қазақстан Республикасы Энергетика және минералдық ресурстар министрлігінің шығыстарында Қазақстан Республикасы заңды тұлғаларының Түрікменстан шаруашылық жүргізуші субъектілері алдындағы борыштарын төлеу жөніндегі іс-шаралар жүргізуге 1 849 826 мың теңге сомасында қаражат көзделсін. N 273
Бап 37 — 2007 жылға арналған республикалық бюджетте мемлекет кепiлдiк берген қарыздарды өтеу және оларға қызмет көрсету үшiн 3 551 406 мың теңге көзделсiн
Бап 38 — 2007 жылы Қазақстан Республикасының мемлекеттiк кепiлдiктерiн беру лимитi 11 700 000 мың теңге мөлшерiнде белгiленсiн
Бап 39 — 2007 жылғы 31 желтоқсанға үкiметтiк борыш лимитi 782 000 000 мың теңге мөлшерiнде белгiленсiн
Бап 40 — 2007 жылға арналған мемлекеттiң кепiлгерлiк беру лимитi 35 100 000 мың теңге көлемiнде белгiленсiн
Бап 41 — 2007 жылға арналған республикалық бюджеттiң бюджеттiк даму бағдарламаларының тiзбесi бюджеттiк инвестициялық жобаларды (бағдарламаларды) iске асыруға және заңды тұлғалардың жарғылық капиталын қалыптастыруға немесе ұлғайтуға бағытталған бюджеттiк бағдарламаларға бөлiне отырып, 5-қосымшаға сәйкес бекiтiлсiн
Бап 42 — 2007 жылға арналған республикалық бюджеттi атқару процесiнде секвестрлеуге жатпайтын республикалық бюджеттiк бағдарламалардың тiзбесi 6-қосымшаға сәйкес бекiтiлсiн. 2007 жылға арналған жергiлiктi бюджеттердi атқару процесiнде 7-қосымшаға сәйкес жергiлiктi бюджеттiк бағдарламалар секвестрлеуге жатпайды деп белгiленсiн
Бап 43 — Осы Заң 2007 жылғы 1 қаңтардан бастап қолданысқа енгiзiледi