Бап 15 О республиканском бюджете на 2015-2017 годы. Облыстық бюджеттерге, Астана және Алматы қалаларының бюджеттерiне:
1) дағдарыстық жағдай қаупі төнген және туындаған кезде іс-қимылдар бойынша оқу-жаттығу жүргізуге;
2) Қазақстан Республикасында агроөнеркәсіптік кешенді дамыту жөніндегі 2013 – 2020 жылдарға арналған "Агробизнес-2020" бағдарламасы шеңберінде өңірлерде агроөнеркәсіптік кешен субъектілерін қолдауға;
2-1) жергілікті атқарушы органдардың агроөнеркәсіптік кешен бөлімшелерін ұстауға;
3) мемлекеттік атаулы әлеуметтік көмек төлеуге;
4) 18 жасқа дейінгі балаларға мемлекеттік жәрдемақылар төлеуге;
5) халықты әлеуметтiк қорғауға және оған көмек көрсетуге ;
6) Ұлы Отан соғысындағы Жеңістің жетпіс жылдығына арналған іс-шараларды өткізуге ;
7) "Бизнестiң жол картасы-2020" бағдарламасы шеңберiнде өңiрлерде жеке кәсiпкерлiктi қолдауға;
8) моноқалалардағы ағымдағы іс-шараларды іске асыруға;
9) ауызсумен жабдықтаудың баламасыз көздері болып табылатын сумен жабдықтаудың аса маңызды топтық және оқшау жүйелерінен ауызсу беру жөнінде көрсетілетін қызметтердің құнын субсидиялауға;
10) мемлекет мұқтажы үшін жер учаскелерін алып қоюға;
11) көлiк инфрақұрылымының басым жобаларын қаржыландыруға;
12) мемлекеттік мекемелердің мемлекеттік қызметшілер болып табылмайтын жұмыскерлерінің, сондай-ақ жергілікті бюджеттерден қаржыландырылатын мемлекеттік қазыналық кәсіпорындар жұмыскерлерінің лауазымдық айлықақыларына ерекше еңбек жағдайлары үшін ай сайынғы үстемеақы төлеуге;
13) алып тасталды - ҚР 11.03.2015 № 290-V Заңымен (01.01.2015 бастап қолданысқа енгізіледі);
14) мектепке дейінгі білім беру ұйымдарында мемлекеттік білім беру тапсырысын іске асыруға;
15) алып тасталды - ҚР 11.03.2015 № 290-V Заңымен (01.01.2015 бастап қолданысқа енгізіледі);
16) үш деңгейлі жүйе бойынша біліктілікті арттырудан өткен мұғалімдерге төленетін еңбекақыны арттыруға;
17) техникалық және кәсіптік білім беру ұйымдарында мамандарды даярлауға арналған мемлекеттік білім беру тапсырысын ұлғайтуға;
18) бастауыш, негізгі орта және жалпы орта білім беруді жан басына шаққандағы қаржыландыруды сынамалауға ;
19) техникалық және кәсіптік білім беру ұйымдарында білім алушылардың стипендияларының мөлшерін ұлғайтуға;
20) тегін медициналық көмектің кепілдік берілген көлемін қамтамасыз етуге және кеңейтуге;
21) алып тасталды - ҚР 11.03.2015 № 290-V Заңымен (01.01.2015 бастап қолданысқа енгізіледі);
22) жергілікті атқарушы органдардың мемлекеттік білім беру тапсырысы негізінде техникалық және кәсіптік, орта білімнен кейінгі білім беру ұйымдарында білім алушылардың стипендияларының мөлшерін ұлғайтуға;
23) алып тасталды - ҚР 30.11.2015 № 425-V Заңымен (01.01.2015 бастап қолданысқа енгізіледі);
23-1) "Бизнестің жол картасы-2020" бағдарламасы шеңберінде жеке кәсіпкерлікті қолдауға;
24) халықтың иммундық профилактикасын қамтамасыз етуге ;
25) профилактикалық дезинсекция мен дератизация жүргізуге (инфекциялық және паразиттік аурулардың табиғи ошақтарының аумағындағы, сондай-ақ инфекциялық және паразиттік аурулардың ошақтарындағы дезинсекция мен дератизацияны қоспағанда);
26) коммуналдық тұрғын үй қорының тұрғын үйін сатып алуға;
27) жердің пайдаланылуы мен қорғалуын бақылау жөніндегі уәкілетті органның штат санын ұстауға;
28) жергiлiктi атқарушы органдардың сәулет, қала құрылысы, құрылыс және мемлекеттiк сәулет-құрылыс бақылауы iстерi жөнiндегi штат санын ұстауға;
29) жергілікті атқарушы органдардың тұрғын үй-коммуналдық шаруашылық объектілерінің қауіпті техникалық құрылғыларының қауіпсіз пайдаланылуын бақылауды жүзеге асыратын штат санын ұстауға;
30) елді мекендерді шаруашылық-ауыз сумен жабдықтау үшін жерасты суларына іздестіру-барлау жұмыстарын ұйымдастыруға және жүргізуге;
31) азаматтық хал актілерін тіркеу бөлімдерінің штат санын ұстауға;
32) инженерлік-коммуникациялық инфрақұрылымдарды сатып алуға 2015 жылға арналған ағымдағы нысаналы трансферттердi бөлу және (немесе) оларды пайдаланудың тәртiбi Қазақстан Республикасы Үкiметiнiң шешiмi негiзiнде айқындалады.