Осы Келісімнің тақырыбы, әрі қарай Полигон деп аталатын 929 Мемлекеттік ұшу-сынақ полигонының Қазақстан Республикасы аумағында орналасқан объектілері, ұрыс алаңдары (жер учаскелері), Ресей Федерациясының жалға алу жағдайымен жер учаскелерін, жылжымалы және тұрақты мүлікті пайдалану шарттары болып табылады. Полигонның жер учаскелерін беру тәртібі, жылжымалы және тұрақты мүлкінің тізбесі мен құрамы, жалға беру ұзақтығы, жалға беру ақысының мөлшері мен оны енгізу мерзімі, осы Келісімге қол қойылғаннан кейін үш ай мерзім ішінде Тараптардың Үкіметтері арасында жасалатын Полигонды жалға берудің жеке Шартымен анықталады. Полигон Қазақстан Республикасының Батыс Қазақстан және Атырау облыстары аумағында орналасқан. Полигон жер алаңының шекарасы болып осы Келісімнің ажырамас бөлігі болып табылатын 1 Қосымшада координаталары келтірілген, геодезиялық белгілер мен тұрғылықты жердегі негізгі нүктелерді жалғастыратын сызық болып табылады. Полигонның әскери объектілерінің тізбесі осы Келісімнің ажырамас бөлігі болып табылатын N 2 Қосымшада келтірілген. Полигон әуе кеңістігінің шекаралары, олардың координаталарымен бірге, осы Келісімнің ажырамас бөлігі болып табылатын 3 Қосымшада келтірілген.